Fake CBI Agents in Police Custody: నకిలీ సీబీఐ ఏజెంట్ల ముఠాను రాజమహేంద్రవరంలో.. తెలంగాణ పోలీసులు అదుపులోకి తీసుకున్నారు. ఈనెల 13న హైదరాబాద్ గచ్చిబౌలిలో జయభేరి ఆరెంజ్ కౌంటిలోని సి-బ్లాక్లోని అపార్టుమెంట్‌లోని స్థిరాస్తి వ్యాపారి వెంకటసుబ్రహ్మణ్యం ఇంట్లోకి ఆగంతకులు ప్రవేశించారు. సీబీఐ అధికారులమంటూ అక్కడున్నవారికి చెప్పారు. అనంతరం ఇల్లంతా సోదాలు చేయాలంటూ నిందితులు హడావిడి చేసి.. కిలోకు పైగా బంగారం, రూ.2 లక్షల నగదుతో ఉడాయించారు.
Gachibowli Fake Rides: బాధితుల ఫిర్యాదు మేరకు కేసు నమోదు చేసిన హైదరాబాద్ పోలీసులు దర్యాప్తు కొనసాగించారు. ఈ రోజు ఉదయం రాజమహేంద్రవరంలో నిందితులను అదుపులోకి తీసుకున్నారు. నలుగురుని అదుపులోకి తీసుకోగా.. మరో ముగ్గురు పరారీలో ఉన్నట్లు పోలీసులు వెల్లడించారు. వీరంతా పశ్చిమగోదావరి జిల్లాకు చెందినవారిగా గుర్తించారు. ముఠాకు సహకరించిన వారి వివరాలను సేకరిస్తున్నారు.
ఇదీ చూడండి: Young man died while moving marijuana: గంజాయి తరలిస్తుండగా ప్రమాదం..యువకుడు మృతి
