TDP leaders: మోటార్లకు మీటర్లు పెడితే ఉద్యమిస్తాం: తెదేపా నేతలు

TDP leaders: సీఎం జగన్‌ విధానాల వల్ల రైతులు తీవ్రంగా నష్టపోతున్నారని తెదేపా నేతలు ఆరోపించారు. మోటార్లకు మీటర్లు నిర్ణయాన్ని వెనక్కి తీసుకోవాలని డిమాండ్​ చేశారు. మోటార్లకు మీటర్లు పెడితే రైతుల మెడకు ఉరి బిగించినట్టేనని, దీనిపై ఉద్యమిస్తామని హెచ్చరించారు.

TDP leaders: ముఖ్యమంత్రి జగన్‌ నిలకడ లేమి విధానాల వల్ల రైతులు తీవ్రంగా నష్టపోతున్నారని తెదేపా నేతలు ధ్వజమెత్తారు. మాట తప్పి, మడమ తిప్పి వ్యవసాయ, ఆక్వా రంగాలను ముంచేశారని ఆరోపించారు. మోటార్లకు మీటర్లు పెడితే రైతుల మెడకు ఉరి బిగించినట్టేనని, దీనిపై ఉద్యమిస్తామని హెచ్చరించారు. నెల్లూరు జిల్లా మనుబోలులో తెదేపా ‘రైతు పోరు’ సభ గురువారం నిర్వహించింది.