కార్పొరేషన్ అధికారుల దాడులు...నిల్వ చికెన్ స్వాధీనం

నెల్లూరులోని దుకాణాల్లో నగర కార్పొరేషన్ అధికారులు దాడులు చేశారు. చికెన్ దుకాణంలో నిర్వహించిన తనిఖీలో సుమారు 3క్వింటాళ్ల నిల్వ ఉంచిన చికెన్​ను గుర్తించి... నిర్వీర్యం చేశారు.

నెల్లూరులోని పలు దుకాణాల్లో కార్పొరేషన్ అధికారులు దాడులు కొనసాగుతున్నాయి. నగరంలోని పొదలకూరు రోడ్డులోని పద్మావతి సెంటర్ ప్రాంతంలో ఓ చికెన్ దుకాణంలో ఆకస్మిక తనిఖీలు నిర్వహించారు. దాదాపు 300 కేజీల నిల్వ ఉంచిన మాంసాన్ని గుర్తించారు. ఫ్రీజర్ లో భారీగా నిల్వ ఉంచిన చికెన్ పట్టుబడటంతో కార్పొరేషన్ కమిషనర్ మూర్తి సంఘటనా స్థలానికి చేరుకుని నిల్వ ఉంచిన మాంసాన్ని నిర్వీర్యం చేశారు. అధికారులు దాడులు కొనసాగిస్తున్న వ్యాపారుల్లో మాత్రం మార్పు రావడం లేదు. నిల్వ ఉంచిన ఆహార పదార్థాలు ఇంకా పట్టుబడుతుండటమే ఇందుకు నిదర్శనంగా నిలుస్తుంది. ఆహార పదార్థాల్లో అమ్మకాలు సాగించిన హోటల్స్, దుకాణాలపై నిరంతర నిఘా ఉంటుందని, నిల్వ ఉంచిన ఆహారాన్ని అమ్మితే కఠిన చర్యలు తప్పవని ఈ సందర్భంగా అధికారులు హెచ్చరించారు.

ఇవీ చూడండి-పొలానికెళ్లినా...ఇంట్లో ఉన్నా..అదే భయం!