న్యాయం చేయాలని కలెక్టరేట్ ఎదుట బిక్షాటన
woman protest at Kurnool Collectorate: కర్నూలులో ఓ మహిళ న్యాయ పోరాటానికి దిగింది. అబ్బాయి కోసం అత్తింటివాళ్లు వేధిస్తున్నారని.. తనకు న్యాయం చేయాలని కలెక్టరేట్ ఎదుట భిక్షాటన చేస్తూ ఆందోళనకు దిగింది. కర్నూలు జిల్లా డోన్కు చెందిన లక్ష్మీకి 12 ఏళ్ల క్రితం ఈభూది సురేంద్రతో వివాహం జరిగింది. వీరికి ముగ్గురు ఆడపిల్లలు పుట్టారు. అబ్బాయి పుట్టలేదని భర్త, అత్త వేధిస్తున్నారని బాధితురాలు తెలిపింది.
ఈ విషయంపై డోన్ పోలీసులను ఆశ్రయించగా కోర్టులో చూసుకోవాలని చెప్పారని వాపోయింది. ముగ్గురు పిల్లలను ఎలా పోషించుకోవా‌లని లక్ష్మీ ఆవేదన వ్యక్తం చేస్తోంది. తనకు న్యాయం చేయాలని ప్రజా సంఘాల ఆధ్వర్యంలో కలెక్టర్ కార్యాలయం ముందు బిక్షాటన చేసి నిరసన తెలిపింది.
'ఆ హత్యలతో నా భర్తకు ఎలాంటి సంబంధం లేదు.. అన్యాయంగా ఇరికించారు'
