మృతదేహానికి వైద్యం చేశారంటూ బంధువుల ఆందోళన
కర్నూలులోని ఓ ప్రైవేట్ ఆసుపత్రి ముందు స్థానిక శ్రీరామ్ నగర్కు చెందిన కొందరు ఆందోళన చేపట్టారు. చనిపోయిన వ్యక్తికి చికిత్స అందించారని మృతుడి బంధువులు ఆరోపించారు. సుంకన్న అనే వ్యక్తి అనారోగ్యంతో మూడు రోజులు క్రితం ఆసుపత్రిలో చేరాడు. మంగళవారం రాత్రి నుంచి చికిత్స పొందుతున్న వ్యక్తిని చూసేందుకు వైద్యులు అనుమతించలేదని కుటుంబ సభ్యులు తెలిపారు. ఇవాళ రోగి ఆరోగ్యం క్షీణించిందని ఇంటికి లేదా ప్రభుత్వాసుపత్రికి తీసుకెళ్లాలని సూచించారని పేర్కొన్నారు. ఆసుపత్రి నుంచి బయటకు తీసుకురాగా అప్పటికే సుంకన్న చనిపోయి ఉన్నాడని ఆరోపిస్తూ వైద్యులతో.... బంధువులు గొడవకు దిగారు. పోలీసులు అక్కడికి చేరుకుని పరిస్థితిని చక్కదిద్దారు. స్పందించిన వైద్యులు తమ తప్పేమీ లేదన్నారు.
ఇవీ చూడండి
