నందిగామలో మహిళల ఆందోళన.. డీఎస్పీ కార్యాలయం ముట్టడి

BC women protest: నందిగామ డీఎస్పీ కార్యాలయాన్ని బీసీ మహిళ సంఘాలు ముట్టడించాయి. ఇద్దరు మహిళలను వివస్త్రను చేసి దాడిచేసిన ఘటనలో నిందితులను వెంటనే అరెస్టు చేయాలని పలువురు డిమాండ్‌ చేశారు. నిందితులపై చర్యలు తీసుకుంటామని డీఎస్పీ హామీ ఇవ్వడంతో మహిళలు ఆందోళన విరమించారు.

BC women protest: కృష్ణాజిల్లా నందిగామలో బీసీ మహిళ సంఘాలు డీఎస్పీ కార్యాలయాన్ని ముట్టడించాయి. మూడు రోజుల క్రితం చందర్లపాడు పోలీస్‌స్టేషన్‌ పరిధిలో బంగారం గొలుసు దొంగతనం చేశారని ఆరోపిస్తూ.. ఇద్దరు మహిళలను వివస్త్రను చేసి హింసించిన ఘటనపై మహిళలు నిరసన చేపట్టారు. పోలీసులకు ఫిర్యాదు చేసినా.. ఇప్పటివరకు నిందితులపై చర్యలు తీసుకోలేదని ఆగ్రహం వ్యక్తం చేశారు.

BC women protest: నిందితులను అరెస్ట్‌ చేసేవరకూ ఆందోళన కొనసాగిస్తామని మాజీ ఎమ్మెల్యే తంగిరాల సౌమ్య అన్నారు. నిందితులపై కేసు నమోదు చేసి, అరెస్ట్‌ చేస్తామని నందిగామ డీఎస్పీ నాగేశ్వర్‌రెడ్డి హామీ ఇవ్వటంతో మహిళలు ఆందోళన విరమించారు.

ఇదీ చదవండి: