- వర్షసూచన
వచ్చే మూడు రోజులు రాష్ట్రంలోని పలుచోట్ల వర్షాలు కురుస్తాయని వాతావరణ కేంద్రం వెల్లడించింది. కోస్తా, రాయలసీమలోని పలు ప్రాంతాల్లో మోస్తరు వర్షాలు, కొన్నిచోట్ల భారీ వర్షాలు కురుస్తాయని తెలిపింది. పూర్తి వివరాలకు ఈ లింక్ క్లిక్ చేయండి.
- నిలకడగా కరోనా కేసులు
గడిచిన 24 గంటల్లో రాష్ట్రంలో 67,590 మందికి కరోనా పరీక్షలు నిర్వహించగా... 1,539 కరోనా కేసులు, 12 మరణాలు నమోదైనట్లు వైద్యారోగ్యశాఖ అధికారులు వెల్లడించారు. రాష్ట్రంలో కరోనా నుంచి 1,140 మంది బాధితులు కోలుకున్నారు. పూర్తి వివరాలకు ఈ లింక్ క్లిక్ చేయండి.
- సెప్టెంబర్‌ 1న భేటీ
కేంద్ర గెజిట్‌పై సెప్టెంబర్‌ 1న కృష్ణా, గోదావరి బోర్డులు భేటీ కానున్నాయి. సెప్టెంబర్‌ 1న ఉదయం కృష్ణా బోర్డు సమావేశం జరగనుండగా.. సాయంత్రం 4 గంటలకు రెండు బోర్డులు సంయుక్తంగా తెలుగు రాష్ట్రాల అధికారులతో సమావేశం జరగనుంది. పూర్తి వివరాలకు ఈ లింక్ క్లిక్ చేయండి.
- 'శ్వేతపత్రం విడుదల చేయాలి..'
రాష్ట్ర ఆర్థిక పరిస్థితి, అప్పులపై శ్వేతపత్రం విడుదల చేయాలని భాజపా రాష్ట్ర అధ్యక్షుడు సోము వీర్రాజు డిమాండ్ చేశారు. ఈ మేరకు సీఎం జగన్‌కు లేఖ రాశారు. పూర్తి వివరాలకు ఈ లింక్ క్లిక్ చేయండి.
- ప్రభుత్వ బడుల్లో చదివితే 7.5% రిజర్వేషన్
ప్రభుత్వ పాఠశాలల్లో చదివిన విద్యార్థులు వృత్తి విద్య కోర్సుల్లో చేరడానికి పడే ఇబ్బందులను తప్పించడానికి కీలక నిర్ణయం తీసుకుంది తమిళనాడు ప్రభుత్వం. యూజీ అడ్మిషన్లలో వారికి 7.5శాతం రిజర్వేషన్ కల్పిస్తూ బిల్లు తెచ్చింది. పూర్తి వివరాలకు ఈ లింక్ క్లిక్ చేయండి.
- వినూత్న దరఖాస్తు
సంప్రదాయ పంటలు వేసి వ్యవసాయంలో నష్టాలు చవిచూసిన ఓ రైతు మహారాష్ట్రలోని సోలాపుర్ జిల్లా యంత్రాంగానికి వినూత్న రీతిలో పిటిషన్ పెట్టాడు. ప్రతి ఏడాది వేసే పంటల వల్ల నష్టం వస్తోందని.. అందుకే తన పొలంలో గంజాయి పండించడానికి అనుమతి ఇవ్వాలని కోరాడు. అంతేగాకుండా దీనిపై అధికారులు అల్టిమేటం కూడా ఇచ్చాడు. పూర్తి వివరాలకు ఈ లింక్ క్లిక్ చేయండి.
- కాబుల్ ఎయిర్పోర్ట్ వద్ద ఉద్రిక్తత
కాబుల్ విమానాశ్రయం వద్ద ఉద్రిక్తత నెలకొంది. తాలిబన్ల పాలనలోని అఫ్గానిస్థాన్ను వీడి ఇతర దేశాలకు వెళ్లాలన్న ఆశతో భారీ సంఖ్యలో వచ్చిన ప్రజలను చెదరగొట్టేందుకు భద్రతా సిబ్బంది టియర్ గ్యాస్, జలఫిరంగులు ప్రయోగించారు. పూర్తి వివరాలకు ఈ లింక్ క్లిక్ చేయండి.
- ఆసాంతం ఊగిసలాట
గురువారం సెషన్లో స్టాక్ మార్కెట్లు ఫ్లాట్గా(stock market news) ముగిశాయి. సెన్సెక్స్ 5 పాయింట్ల లాభంతో 55,949 వద్ద స్థిరపడింది. నిఫ్టీ 2 పాయింట్లు బలపడి 16,637 వద్దకు చేరింది. పూర్తి వివరాలకు ఈ లింక్ క్లిక్ చేయండి.
- నిలకడగా ఆడుతున్న ఇంగ్లాండ్
మూడో టెస్టు రెండో రోజున ఇంగ్లాండ్ నిలకడగా ఆడుతోంది. లంచ్ బ్రేక్ సమయానికి ఇంగ్లాండ్ రెండు వికెట్ల నష్టానికి 182 పరుగులు చేసింది. ప్రస్తుతం 104 పరుగుల ఆధిక్యంలో ఉంది. పూర్తి వివరాలకు ఈ లింక్ క్లిక్ చేయండి.
- శస్త్రచికిత్స అయినప్పటికీ...
తమిళ సినిమా రీమేక్ చిత్రీకరణలో భాగంగా గాయపడిన హీరో అభిషేక్ బచ్చన్(abhishek bachchan) శస్త్రచికిత్స చేయించుకున్నాడు. తాను ఆరోగ్యంగానే ఉన్నట్లు తెలిపిన అభిషేక్.. తిరిగి షూటింగ్లో పాల్గొనడానికి చెన్నైకు చేరుకున్నట్లు ఇన్స్టాలో తెలిపాడు. పూర్తి వివరాలకు ఈ లింక్ క్లిక్ చేయండి.
