తక్కువ ఎత్తు మహిళకు అరుదైన చికిత్స...ఒకేసారి రెండు మోకీళ్లు మార్పిడి

రెండు మోకాళ్ల నొప్పులతో బాధపడుతూ ఎంతోమంది వైద్యుల వద్దకు తిరిగింది. ఎత్తు తక్కువ ఉన్న కారణంతో మోకీళ్ల మార్పిడి శస్త్ర శికిత్స చేయలేమని తెేల్చి చెప్పారు. కానీ గుంటూరులోని ఓ ప్రైవేట్ అసుపత్రి వైద్యులు.. కొన్ని ప్రత్యేక విధానాల ద్వారా చేసి చూపించారు. ఎన్నో రోజులుగా బాధపడుతున్న ఆమెకు ఉపశమనం కలిగించారు.

గుంటూరులోని ఓ ప్రైవేట్ ఆసుపత్రిలో అరుదైన వైద్య చికిత్స నిర్వహించారు. 3 అడుగుల 11 అంగుళాల ఎత్తు ఉన్న ప్రభావతి అనే మహిళకు ఒకేసారి రెండు మోకీళ్ళు మార్పిడి చేశారు. దేశంలోనే మొదటిసారి ఇలాంటి అరుదైన చికిత్స తమ హాస్పిటల్లో చేయడం జరిగిందని వైద్యులు వెల్లడించారు. పదేళ్లుగా మోకాళ్ల నొప్పులతో బాధపడుతున్న ప్రభావతి...ఎత్తు తక్కువగా ఉన్న కారణంగా వైద్యులు ఎవరూ మోకీళ్లు మార్పిడి చేసేందుకు ముందుకు రాలేదు. సాధారణంగా అందరికీ ఉపయోగించే పరికరాలు ప్రభావతికి సరిపోవని వైద్యులు తెలిపారు. త్రీడీ సిటీ స్కాన్ తీసి... ప్రత్యేకమైన కృత్రిమ మోకీళ్లు... తయారు చేయించినట్లు వైద్యులు వెల్లడించారు. వాటిని ఉపయోగించి మహిళకు విజయవంతంగా శస్త్ర చికిత్స చేసినట్లు వివరించారు.

ఇవీ చూడండి-తన చిట్టితల్లి కోసం... ఓ అమ్మ పడే ఆరాటం!