విశాఖ ఉక్కు పరిశ్రమను ప్రైవేటీకరణ ఆపాలంటు.. పశ్చిమగోదావరి జిల్లా ఏలూరులో విశాఖ ఉక్కు పరిరక్షణ పోరాట సమితి ఆందోళన చేపట్టింది. వివిధ కార్మిక సంఘాలు, ప్రజాసంఘాలు వారికి మద్దతుగా ఆందోళనలో పాల్గొన్నాయి. ఏలూరు పాత బస్టాండు కూడలిలో నిరసన ప్రదర్శన నిర్వహించారు. విశాఖ ఉక్కు ప్రైవేటీకరణకు ఆపాలంటూ నినాదాలు చేశారు. ఆంధ్రుల ఆత్మగౌరవానికి చిహ్నమైన విశాఖ ఉక్కును విదేశీ సంస్థలకు అప్పగించడం ఎంతవరకు సమంజసమని ఆందోళనకారులు ప్రశ్నించారు. వేలాది మంది కార్మికుల పొట్టకొట్టడానికి కేంద్ర ప్రభుత్వం ప్రయత్నిస్తోందని అన్నారు.
ఇదీ చదవండి: క్వారీ గుంతలో లారీ బోల్తా.. డ్రైవర్ గల్లంతు
