భాజాపా నేత జీవీఎల్ నరసింహరావు
స్థానిక సంస్థల ఎన్నికల్లో ప్రత్యర్థి పార్టీల అభ్యర్థులు నామినేషన్లు వేయనీయకుండా జరుగుతున్న దాడులు, బెదిరింపులపై ముఖ్యమంత్రి జగన్ స్పందిచాలని భాజాపా నేత జీవీఎల్ నరసింహరావు డిమాండ్ చేశారు. జగన్కు ప్రజాస్వామ్యంపై గౌరవం లేకపోవటం వల్లే ఇలాంటి ఘటనలు జరుగుతున్నాయన్నారు. ప్రతిపక్ష అభ్యర్థులను నామపత్రాలు దాఖలు చేయనీయకుండా వైకాపా నాయకులు అడ్డుకోవటం, దాడులు చేయటం హేయమైన చర్య అని విమర్శించారు. రాజశేఖర్ రెడ్డి ముఖ్యమంత్రిగా ఉన్నపుడు అవినీతికి కొమ్ముకాసిన పలువురు ఐఏఎస్లు జైలుకు వెళ్లారని, ఆ పరిస్థితి పునరావృతం కాకుండా చూసుకోవాలని అధికారులను హెచ్చరించారు.
ఇదీ చదవండి:
