గత ఏడాది సెప్టెంబర్లో ఉరురుచింతలలో మల్లెల వెంకటరమణ, తలారి నాగ రంగయ్య దారుణ హత్యకు గురయ్యారు. అదే గ్రామానికి చెందిన ఓ మహిళతో వివాహేతర సంబంధం పెట్టుకున్నాడనే నెపంతో ఆమె బంధువులు వెంకటరమణను హత్య చేశారు. అడ్డు వచ్చిన నాగ రంగయ్యనూ మట్టుబెట్టారు. అప్పట్లో కేసు నమోదు చేసిన పోలీసులు 12 మందిని అరెస్టు చేసి రిమాండ్కు తరలించారు.
ఈ హత్యలతో వెంకటరమణ, నాగ రంగయ్య బంధువులంతా ఒక్కటిగా చేరి పగతీర్చుకోవటానికి పథకం వేశారు. యల్లనూరు మండలం నిరజాంపల్లికి చెందిన వ్యక్తితో 3 లక్షలకు ఒప్పందం కుదుర్చుకున్నారు. తమ వారి హత్యకు ప్రధాన కుట్రదారుగా భావిస్తున్న ముగ్గురు వ్యక్తులు.. తలారి చెరువుకి వస్తున్నారని తెలుసుకొని అక్కడే వేటకొడవళ్లతో కాపు కాశారు. ఈ విషయంపైగ్రామీణ సీఐ నారాయణ రెడ్డికి సమాచారం రావడంతో ఎస్సై రాజశేఖర్ రెడ్డి, సిబ్బందితో కలిసి కొండ వద్దకు చేరుకున్నారు. ఐదుగురిని, వారి వద్ద ఉన్న వేటకొడవళ్లను స్వాధీనం చేసుకున్నారు. కేసు నమోదు చేసి నిందితులను రిమాండ్కుతరలించారు. హత్య కుట్రను భగ్నం చేసిన సిబ్బందిని డీఎస్పీ జయరామ సుబ్బారెడ్డి అభినందించారు.
