సర్వే నెంబర్ 287లో ఉన్న స్థలాన్ని 2014లో కొండ బిక్షం, గంగారబోయిన సుభద్ర, దేవిశెట్టి రామచంద్రయ్య కొనుగోలు చేశారు. ఆ సర్వే నెంబర్లో ఉన్న భూమి.. ప్రభుత్వ స్థలం కావటం వల్ల అధికారులు అక్కడ సఖి కేంద్రం నిర్మించేందుకు నిర్ణయించారు. 4 నెలల క్రితం ఈ స్థలంలో సఖి కేంద్రం భవన నిర్మాణానికి శంకుస్థాపన చేసేందుకు స్థానిక ఎమ్మెల్యే , మంత్రి వచ్చిన సమయంలో కూడా బాధితులు అప్పుడు కూడా ఆత్మహత్యకు యత్నించగా.. నాయకులు వెనుదిరిగారు.
నేడు పోలీసు బందోబస్తుతో జేసీబీతో పిల్లర్ గుంటలు తీస్తుండగా.. బాధితులు మళ్లీ అడ్డుకున్నారు. ఆత్మహత్యాయత్నం చేశారు. పోలీసులు వారిని అడ్డుకుని మహబూబాబాద్ ప్రభుత్వ ఆసుపత్రికి తరలించారు. తనకు తండ్రి లేడని, తల్లి కష్టపడి కూలీనాలీ చేసి 2014లో ఈ స్థలాన్ని కొనుగోలు చేశిందని బాధితురాలి కూతురు శిరీష ఆవేదన వ్యక్తం చేసింది. ఇప్పుడేమో.. అధికారులు వచ్చి ఈ స్థలం ప్రభుత్వానిదేనని బలవంతంగా నిర్మాణాలు చేపట్టడం అన్యాయమని వాపోయింది. ఈ స్థలం చాలా కాలం నుంచి పలువురి చేతులు మారినట్లు స్థానికులు చెబుతున్నారు. ఇప్పటికీ ఈ భూవివాదం కోర్టులోనే ఉందని.. ఆరోపిస్తున్నారు.
