'కరోనా బాధితులకు స్టెరాయిడ్స్ ద్వారా మంచి ఫలితాలు'

కరోనా బాధితులకు స్టెరాయిడ్స్ ఇవ్వడం ద్వారా మంచి ఫలితాలు ఉంటున్నాయని అమెరికన్ అసోసియేషన్ ఆఫ్ ఇండియన్ ఫిజీషియన్స్ ఆరిజన్​ (ఆపి) తరఫున నిపుణులు అంటున్నారు. దీనిపై టెక్సాస్​లో భారత వైద్యుల పరిశోధనల్లో సత్ఫలితాలు ఇస్తున్నాయని వెల్లడించారు.

కరోనా మహమ్మారి రోజురోజుకూ విజృంభిస్తున్న తరుణంలో వ్యాక్సిన్ కోసం అంతర్జాతీయంగా వైద్య పరిశోధనలు శరవేగంగా సాగుతున్నాయి. మరోవైపు ఇప్పటికే సంక్రమించిన రోగుల్లో వీలైనంత త్వరగా మహమ్మారిని నయం చేసే ప్రత్యామ్నాయాలపైనా నిపుణులు దృష్టి సారించారు. ఈ క్రమంలో క్వారంటైన్​లో ఉన్నవారికి స్టెరాయిడ్స్ ఇవ్వడం ద్వారా మంచి ఫలితాలు సాధిస్తున్నట్లు అమెరికన్ అసోసియేషన్ ఆఫ్ ఇండియన్ ఫిజీషియన్స్ ఆరిజన్-ఆపి తరఫున నిపుణులు చెబుతున్నారు. ఇప్పటికే దీనిపై టెక్సాస్​లో భారత వైద్యుల పరిశోధనల్లో సత్ఫలితాలు వస్తున్నట్లు కొవిడ్ 19 టాస్క్ ఫోర్స్ కమిటీ కో-ఛైర్మన్ డాక్టర్ లోకేశ్ ఈదర తెలిపారు.

ఇదీ చదవండి: 'సృష్టి' కేసు.. బిడ్డ చనిపోయిందని నమ్మించి అమ్మేశారు: సీపీ ఆర్కే మీనా