E Challans:ఆ వాహనంపై సెంచరీకి చేరువలో ఈ-చలాన్లు

వాహనంపై ఒకటి రెండు చలాన్లు(E Challans) ఉంటేనే భయపడతాం అలాంటిది ఒక ద్విచక్రవాహనంపై 92, మరో ద్విచక్ర వాహనంపై 32 చలాన్లు ఉన్నా వారు దర్జాగా తిరుగుతున్నారు. చివరికి పోలీసులు ఆ వాహనాలను స్వాధీనం చేసుకున్న ఘటన తెలంగాణలో జరిగింది.

తెలంగాణలోని మేడ్చల్ జిల్లా రాచకొండ పోలీసు కమిషనరేట్ పరిధిలోని నేరేడ్​మెట్​లో మల్కాజిగిరి ట్రాఫిక్ పోలీసులు వాహన తనిఖీలు చేస్తున్నారు. రెండు ద్విచక్ర వాహనాలను ఆపి వాటిపై చలాన్లు(E Challans) ఏమైనా ఉన్నాయా అని చెక్​ చేయగా అవాక్కయ్యారు. ఓ వాహనంపై 32 పెండింగ్​ చలాన్లు ఉండగా.. మరో వాహనంపై ఏకంగా 92 చలాన్లు ఉన్నాయి.

32 చలాన్ల వాహనంపై రూ.14,115 ఉండగా 92, చలాన్ల వాహనంపై రూ. 29,185 పెండింగ్​ ఉన్నాయి. పోలీసులు రెండు ద్విచక్ర వాహనాలను స్వాధీనం చేసుకున్నారు.

ఇదీ చదవండి: