Current Charges Hike in Telangana: రాష్ట్రంలో విద్యుత్ ఛార్జీలు పెరగనున్నాయి. గృహ వినియోగదారులకు యూనిట్‌పై 50 పైసలు, పరిశ్రమలకు యూనిట్‌పై రూపాయి పెరగనుంది. ఈ పెరిగిన విద్యుత్ ఛార్జీలు ఏప్రిల్‌ 1 నుంచి అమల్లోకి రానున్నాయి. ఈ మేరకు మీడియా సమావేశంలో రాష్ట్ర విద్యుత్ నియంత్రణ మండలి(ఈఆర్సీ) ఛైర్మన్‌ టి.శ్రీరంగారావు వెల్లడించారు.
డిస్కమ్‌లు ఐదేళ్ల విద్యుత్ టారిఫ్‌ ప్రతిపాదనలు కమిషన్‌ ముందుంచాయని, దీనిపై వినియోగదారుల అభిప్రాయాలను కమిషన్‌ పరిగణనలోకి తీసుకుందని ఈఆర్సీ ఛైర్మన్‌ తెలిపారు. 2022-23 ఏడాదికి డిస్కమ్‌లు ప్రతిపాదించిన రెవెన్యూ గ్యాప్‌ రూ.16వేల కోట్లని చెప్పారు. కానీ, రూ.14,237 కోట్ల రెవెన్యూ గ్యాప్‌ను కమిషన్‌ ఆమోదించిందని వివరించారు.
ఇదీ చదవండి : నందిగామ పరిధిలో.. పన్ను కట్టనివారి ఆస్తులు సీజ్!
