వైకాపా నేతలు ఇళ్ల స్థలాల పేరుతో దోచుకున్న సొమ్ములో వాటాలు కుదరకే.. పంపిణీ ప్రక్రియ మరోసారి వాయిదా పడిందని తెదేపా ఎమ్మెల్సీ బుద్ధా వెంకన్న ఆరోపించారు. ఇళ్ల స్థలాల పేరుతో వైకాపా నేతలు పేదల నుంచి రూ.20 వేల నుంచి లక్ష రూపాయల వరకూ వసూలు చేశారని మండిపడ్డారు. ఇళ్ల స్థలాల పంపిణీ వ్యవహారంపై సీబీఐ విచారణ జరిపించాలని బుద్ధా డిమాండ్ చేశారు.
తెదేపా అధినేత చంద్రబాబుకు పేరొస్తుందనే.. రాష్ట్ర ప్రభుత్వం 6 లక్షల ఇళ్ల పంపిణీ నిలిపివేసిందని బుద్దా వెంకన్న ఆగ్రహం వ్యక్తం చేశారు. సీఎం జగన్ కక్ష పెంచుకుంది చంద్రబాబుపై కాదని.. 6 లక్షల మంది లబ్ధిదారులపై అని ఎద్దేవా చేశారు. బెంగళూరు, హైదరాబాద్, తాడేపల్లిలో భవంతులు నిర్మించుకున్న జగన్మోహన్ రెడ్డి.. పేదలకు ఇళ్లు కేటాయించకుండా వారిని వేధిస్తున్నారని బుద్ధా విమర్శించారు.
ఇదీ చూడండి..
