Veligoda: ప్రాంతీయ విభేదాలు పక్కనపెట్టి వెలిగొండ పూర్తి చేయాలి: తెదేపా

ప్రాంతీయ విభేదాలు పక్కనపెట్టి వెలిగొండ పూర్తి చేయాలని తెదేపా నేతలు ప్రభుత్వాన్ని డిమాండ్ చేశారు. ప్రాజెక్టుపై రాష్ట్ర ప్రభుత్వం నిర్లక్ష్యం వహిస్తోందని ఆరోపించారు. ఈ అంశంపై కేంద్ర మంత్రి షెకావత్​ను కలిసి అన్ని విషయాలు చెప్పామని.. తగిన న్యాయం చేస్తామని మంత్రి హామీ ఇచ్చారని వెల్లడించారు.

వెలిగొండ ప్రాజెక్టు వల్ల నెల్లూరు, కడప జిల్లాలకు కూడా లబ్ధి కలుగుతుందని.. తెదేపా నేతలు అన్నారు. వెలిగొండ ప్రాజెక్టుపై కేంద్రమంత్రి షెకావత్​ను కలిసి అన్ని వివరాలు చెప్పామని.. తప్పకుండా న్యాయం చేస్తామని హామీ ఇచ్చినట్లు తెలిపారు. వెలిగొండ వల్ల లక్షల ఎకరాలకు సాగునీరు అందుతుందన్నారు. వెలిగొండ ప్రాజెక్టు ఉనికినే ప్రశ్నార్థకం చేస్తున్నారని.. వెలిగొండ గురించి రాష్ట్ర ప్రభుత్వం పట్టించుకోవాలని విజ్ఞప్తి చేశారు.

"వెలిగొండ గురించి వైకాపా ప్రభుత్వం పట్టించుకోవాలి. ప్రాజెక్టు ఉనికిని వైకాపా ప్రభుత్వం ప్రశ్నార్థకం చేస్తోంది. వెలిగొండపై రాష్ట్ర ప్రభుత్వం దిల్లీలో ఒత్తిడి చేయడం లేదు?. ప్రాజెక్టుపై రాష్ట్ర ప్రభుత్వానిది మొద్దు నిద్ర. ప్రాంతీయ విభేదాలు పక్కనపెట్టి వెలిగొండ పూర్తి చేయాలి. ప్రాజెక్టు గురించి కేంద్రమంత్రికి అన్ని వివరాలు చెప్పాం. న్యాయం చేస్తామని షెకావతి హామీ ఇచ్చారు."- తెదేపా నేతలు

కేంద్ర మంత్రిని కలిసిన వారిలో ఎమ్మెల్యేలు వీరాంజనేయస్వామి, రామారావు , మాజీ ఎమ్మెల్యే నారాయణరెడ్డి తదితరులు ఉన్నారు.

ఇదీ చదవండి: