రాష్ట్ర ముఖ్యమంత్రి జగన్.. ప్రజలను గాలికొదిలేసి కరోనాను సైతం కక్ష సాధింపు కోసం వాడుకునే స్థితికి దిగజారిపోయారని తెదేపా జాతీయ ప్రధాన కార్యదర్శి నారా లోకేశ్ విమర్శించారు. నేర స్వభావం ఉన్న జగన్ లాంటి వ్యక్తి చేతిలో అధికారం.. ఎంత ప్రమాదమో ప్రజలందరూ చూస్తున్నారన్నారు. కరోనా సమయంలో విచ్చలవిడిగా తిరిగి వైరస్ వ్యాప్తికి కారణమైన వైకాపా నేతలపై చర్యలు తీసుకుపోగా... కొవిడ్ పెద్ద విషయమే కాదంటూ జగన్ సెలవిచ్చారని లోకేశ్ ఆగ్రహం వ్యక్తం చేశారు.
ఇప్పుడు కరోనా పేరుతోనే జేసీ ప్రభాకర్రెడ్డి, అస్మిత్రెడ్డిలను అరెస్టు చేశారని లోకేశ్ తెలిపారు. వారి అక్రమ అరెస్టులను తీవ్రంగా ఖండిస్తున్నామని చెప్పారు. వారిపై అట్రాసిటీ కేసులు కక్ష సాధింపు చర్యలో భాగమేనని ఆక్షేపించారు. కక్ష సాధింపుపై ఉన్న శ్రద్ధ ప్రజలపై పెట్టి ఉంటే నేడు వారికి ఇన్ని కష్టాలు వచ్చేవి కావని లోకేశ్ అన్నారు.
ఇదీ చూడండి..
విజయవాడ ప్రభుత్వాస్పత్రి సూపరింటెండెంట్పై 'దిశా' స్టేషన్లో ఫిర్యాదు
