దసరా కోసం తెలంగాణ ఆర్టీసీ 4వేల 933 ప్రత్యేక బస్సులు

దసరాకు ఊరెళ్లే ప్రయాణీకుల రద్దీకి అనుగుణంగా..ఆర్టీసీ ప్రత్యేక బస్సులను నడుపుతోంది. 4 వేల 933 బస్సులను తెలంగాణ లోని వివిధ ప్రాంతాలు సహా రాష్ట్రంలోని ముఖ్యపట్టణాలకు నడిపించనున్నట్లు ఆ రాష్ట్ర రంగారెడ్డి జిల్లా రీజినల్ మేనేజర్ తెలిపారు. ఈనెల 27 నుంచి వచ్చే నెల 8 వరకు ప్రత్యేక బస్సులు అందుబాటులో ఉంటాయని వెల్లడించారు.

బతుకమ్మ, దసరా ప్రయాణికుల సౌకర్యార్థం తెలంగాణ ఆర్టీసీ ప్రత్యేక బస్సులను నడపాలని నిర్ణయించింది. ఎంజీబీఎస్, సీబీఎస్, జూబ్లీ బస్‌స్టేషన్ సహా హైదరాబాద్‌లోని ముఖ్య ప్రాంతాల నుంచి బస్సుల సర్వీసులు నడిపిస్తామని రంగారెడ్డి జిల్లా రీజినల్‌ మేనేజర్‌ వరప్రసాద్ వెల్లడించారు. 4 వేల 933 ప్రత్యేక బస్సులో రాష్ట్రంలోని ముఖ్యప్రాంతాలకు 964 బస్సులు, మిగిలిన వాటిని వివిధ ప్రాంతాలకు నడుపాతామని తెలిపారు. ప్రత్యేక బస్సులకు ఒకటిన్నరరేటు అదనపు ఛార్జీలు వసూలు చేయనున్నట్లు స్పష్టంచేశారు. ప్రయాణికుల సౌకర్యార్థం మే ఐ హెల్ప్‌ యూ, విచారణ కేంద్రాలను, ఆర్టీసీ అధికారులను అందుబాటులో ఉంచామన్నారు. ప్రయాణికులు రద్దీ పెరిగితే అందుకు అనుగుణంగా మరిన్ని బస్సులను పెంచుతామని తెలంగాణ ఆర్టీసీ అధికారులు వెల్లడించారు.