హైదరాబాద్లో వర్షం... లోతట్టు ప్రాంతాలు జలమయం
హైదరాబాద్లోని చాలాచోట్ల వాన పడింది. ఓయూ, తార్నాక, హబ్సిగూడ, మల్లాపూర్, ఎల్బీనగర్, నాగోల్, మన్సురాబాద్, వనస్థలిపురం, బీఎన్రెడ్డి నగర్, హయత్నగర్, అబ్దుల్లాపూర్మెట్లో మోస్తరు వర్షం కురిసింది. వర్షంతో లోతట్టు ప్రాంతాలు జలమయమయ్యాయి. పలుచోట్ల రోడ్లపైకి వర్షపు నీరు చేరడం వల్ల వాహనదారులు ఇబ్బందులు పడ్డారు. వాన నీటితో డ్రైనేజీలు పొంగిపొర్లాయి.
హబ్సీగూడ చౌరస్తా, ఎల్బీనగర్, తార్నాకలో ట్రాఫిక్కు స్వల్ప అంతరాయం ఏర్పడింది. ఉద్యోగులు కార్యాలయాల నుంచి వచ్చే సమయంలో వర్షం కురవటంతో వారు ఇబ్బంది పడ్డారు. నేడు, రేపు వర్షాలు కురిసే అవకాశం ఉందని వాతావణ శాఖ తెలపటంతో జీహెచ్ఎంసీ అప్రమత్తమైంది. ఎక్కడైనా నీరు నిలిచిపోతే నీటిని తోడేందుకు మోటార్లు సిద్ధం చేసింది.
ఇదీ చదవండి: ఒకేసారి నలుగురు బిడ్డలకు తల్లయింది!
