ఏపీలో ఉపాధ్యాయ ఎమ్మెల్సీ నామినేషన్లకు ముగిసిన గడువు ముగిసింది. ఏపీలో రెండు స్థానాల్లో ఉపాధ్యాయ ఎమ్మెల్సీ ఎన్నికలు మార్చి 14 తేదీన జరుగనుంది. గుంటూరు-కృష్ణా, తూర్పు-పశ్చిమ గోదావరి జిల్లాల ఎమ్మెల్సీ స్థానాలకు 23వ తేదీతో నామినేషన్ల పర్వం ముగిసింది. నేడు (24వ తేదీన) అభ్యర్థుల నామినేషన్ల పరిశీలన చేపట్టనున్నారు. నామినేషన్ల ఉపసంహరణకు తుదిగడువు ఫిబ్రవరి 26గా నిర్ధరించారు. మార్చి 14న ఉదయం 8 గంటల నుంచి సాయంత్రం 4 గంటల వరకు పోలింగ్ జరుగనుంది. మార్చి 17న ఓట్ల లెక్కింపు చేపడతారు.
గుంటూరు-కృష్ణా స్థానానికి గాను.. 27 నామినేషన్లు దాఖలయ్యాయి. తూర్పు- పశ్చిమగోదావరి ఉపాద్యాయ ఎమ్మెల్సీ స్థానం కోసం 12 నామినేషన్లు దాఖలు చేశారు. ఈ ఎన్నికల కోసం గుంటూరు జిల్లాలో 59, కృష్ణా జిల్లాలో 51 పోలింగ్ కేంద్రాలు ఏర్పాటు చేయనున్నారు. 13,121 మంది ఉపాధ్యాయులు ఓటు హక్కు వినియోగించు కోనున్నారు.
ఇదీ చదవండి: ఎయిడెడ్‌ విద్యా సంస్థలను ప్రభుత్వమే తీసుకుంటుంది.. అంగీకరించకపోతే?
