ఆంధ్రప్రదేశ్ ప్రభుత్వ ప్రధాన కార్యదర్శిగా నీలం సాహ్ని నియామకానికి మార్గం సుగమం అయింది. ప్రస్తుతం కేంద్ర సామాజిక న్యాయం, సాధికారశాఖ కార్యదర్శిగా ఉన్న ఆమెను ఆ విధుల నుంచి రిలీవ్ చేస్తూ కేంద్ర సిబ్బంది వ్యవహారాల శాఖ సోమవారం ఉత్తర్వులు జారీ చేసింది. ఆంధ్రప్రదేశ్ ప్రభుత్వ విజ్ఞప్తి మేరకు కేంద్ర నియామకాల కేజినెట్ కమిటీ ఈ నిర్ణయం తీసుకున్నట్లు పేర్కొంది. 1984 బ్యాచ్ ఏపీకేడర్కు చెందిన నీలం సాహ్ని ఇదివరకు కేంద్ర విజిలెన్స్ కమిషన్ కార్యదర్శిగానూ సేవలందించారు. 1960 జూన్ 20న జన్మించిన ఈమె వచ్చే ఏడాది జూన్ వరకు పదవిలో కొనసాగనున్నారు. భర్త అజయ్సాహ్ని కేంద్ర ఐటీ శాఖ కార్యదర్శిగా పనిచేస్తున్నారు.
ఇదీ చదవండి: సంక్షేమ పథకాల అమలుపై సీఎం సమీక్ష
