ఆన్లైన్ లోన్ వేధింపులు మరో ప్రాణాన్ని బలి తీసుకున్నాయి. తెలంగాణ రాష్ట్రం మెదక్ జిల్లా నర్సాపూర్ పట్టణానికి చెందిన శ్రావణ్ అనే యువకుడు ఆన్లైన్ ద్వారా రూ.16వేలు అప్పు తీసుకున్నాడు. తిరిగి చెల్లింపులో ఆలస్యమవడం వల్ల ఆ సంస్థ ప్రతినిధులు పలుమార్లు అడిగారు. నోటీసులు పంపడమేగాక వాట్సాప్ ద్వారా ఒత్తిడి చేశారు.
బంధువులకు సైతం ఫోన్ చేసి... అప్పు గురించి చెప్పారు. అవమానంగా భావించిన శ్రావణ్ ఉరేసుకుని ఆత్మహత్య చేసుకున్నాడని కుటుంబసభ్యులు తెలిపారు. ఈ పరిస్థితి మరొకరికి రాకుండా చర్యలు తీసుకోవాలని కోరారు.
