చిరుతను భయపెట్టిన రైతు..!?

ఈ మధ్య కాలంలో తెలంగాణలోని ఆదిలాబాద్ జిల్లా శివార్లలో చిరుతల సంచారం పెరిగింది. పలు జిల్లాల్లో ఇదే పరిస్థితి. పొలం పనులకు వెళ్లే రైతులు ఎప్పుడు ఏం జరుగుతుందోనని భయపడుతునే ఉన్నారు. కానీ తెలంగాణలోని ఆదిలాబాద్​లో ఓ రైతు చిరుతనే భయపెట్టాడు.

తెలంగాణ రాష్ట్రం ఆదిలాబాద్ జిల్లా భీంపూర్ మండలం అర్లిటి గ్రామ శివారులో చిరుతపులి సంచారం కలకలం రేపింది. అర్లిటి పంచాయతీ శాంతినగర్​కు చెందిన గిరిజన రైతు ఆత్రంరామ్ కిషన్ ఉదయం వేళ ఎద్దులను పంట చేనుకు తీసుకెళ్లి పనిలో నిమగ్నమవగా చిరుత పులి వచ్చి ఓ ఎద్దుపై దాడి చేసింది. ఇది గమనించిన ఆ రైతు అడవి పందులను పారదోలేందుకు ఉపయోగించే టపాసులను చిరుతపై వేసి అది పారిపోయేలా ధైర్యం ప్రదర్శించారు. ఆ ప్రయత్నం సఫలం కావడం వల్ల చిరుత పశువును వదిలి పారిపోయింది. దీనితో పశువుతో పాటు తన ప్రాణాలు దక్కించుకున్నట్లు బాధిత రైతు పేర్కొన్నారు. సమాచారం అందుకున్న ఫారెస్ట్​ అధికారులు చిరుతను పట్టుకోవడానికి ప్రయత్నిస్తున్నారు.

ఇదీ చదవండి: