Left Parties: రాజధాని వివాదాలకు సీఎం స్వస్తి పలకాలి: వామపక్ష నేతలు

Left Parties on HC Judgment over CRDA: రాజధాని అమరావతికి అనుకూలంగా హైకోర్టు తీర్పుపై వామపక్ష​ పార్టీల నేతలు స్పందించారు. మూడు రాజధానులు, సీఆర్డీఏ రద్దు పిటిషన్లపై హైకోర్టు తీర్పును సీపీఐ రాష్ట్ర కార్యదర్శి కె రామకృష్ణ స్వాగతించారు.

Left parties Comments: మూడు రాజధానులు, సీఆర్డీఏ రద్దు పిటిషన్లపై హైకోర్టు తీర్పును సీపీఐ జాతీయ కార్యదర్శి నారాయణ, రాష్ట్ర కార్యదర్శి కె. రామకృష్ణ స్వాగతించారు. సీఆర్డీఏ చట్ట ప్రకారం రాష్ట్ర ప్రభుత్వం వ్యవహరించాలని న్యాయస్థానం స్పష్టం చేసిందని.. రాష్ట్ర సర్కార్​ ఇకనైనా రాజధాని అభివృద్దిపై దృష్టి సారించాలన్నారు. రాష్ట్ర ప్రభుత్వం ఇప్పటికైనా పట్టుదలకు పోకుండా అమరావతిని రాజధానిగా కొనసాగిస్తూ.. అభివృద్ధి చేయాలని డిమాండ్ చేశారు. రాజధాని వివాదాలకు ముఖ్యమంత్రి స్వస్తి పలకాలని హితవు పలికారు.

రాజధాని అమరావతి, సీఆర్​డీఏపై రాష్ట్ర హైకోర్టు ధర్మాసనం వెలువరించిన తీర్పును స్వాగతిస్తున్నట్లు సీపీఎం కేంద్ర కమిటీ సభ్యులు మధు తెలిపారు. జగన్​ సర్కార్​ ఇకనైనా రాజధాని వివాదాలకు ముగింపు పలకాలన్నారు. రాష్ట్ర ప్రజల ఆమోదం మేరకు అమరావతినే ఏకైక రాజధానిగా కొనసాగించాలని డిమాండ్ చేశారు.

ఇదీ చదవండి: