Irani chai : తెలంగాణ రాజధాని హైదరాబాద్ షాన్‌ ‘ఇరానీ చాయ్’ ధర పెంపునకు హోటళ్ల బృందం నిర్ణయం తీసుకుంది. శుక్రవారం నుంచి రూ.5 పెంచనున్నట్లు తెలిపారు. పెరుగుతున్న నిత్యావసర ధరలతో హోటళ్ల మనుగడ సాగని క్రమంలో ఈ నిర్ణయం తీసుకున్నట్లు తెలిపారు. ప్రస్తుతం కప్పు టీ ధర రూ.15 నుంచి రూ.20కి పెంచారు. కరోనా ప్రభావం ఈ హోటళ్లపైనా పడింది.
Irani Tea : ఇరానీ చాయ్‌పత్తా ధర కిలో రూ.300నుంచి రూ.500కు చేరుకొంది. నాణ్యమైన పాలతో మాత్రమే సంప్రదాయ ఇరానీ చాయ్ చేయడం సాధ్యం. ప్రస్తుతం నాణ్యమైన పాలు లీటరు రూ.100కు చేరగా వాణిజ్య సిలిండర్‌ ధర కూడా భారీగా పెరిగింది. కరోనా తర్వాత నిర్వహణ ఖర్చులు పెరిగిపోవడంతో.. పాత ధరకు విక్రయించడం సాధ్యం కాదని హోటళ్ల నిర్వాహకులు చెబుతున్నారు. ఇరానీ చాయ్ తయారు చేయడమూ ఓ ప్రత్యేక కళే. పాలు, టీ పొడి, నాణ్యత విషయంలో ఏ మాత్రం రాజీ పడినా ప్రత్యేక రుచి రాదు. దీంతో ధరలు పెంచక తప్పడం లేదంటున్నారు.
ఇదీ చూడండి:
Drinking water Problem: బిందెలతో రహదారిపై బైఠాయించిన మహిళలు...తాగునీటి కోసం ఆందోళన
