Baby in plastic cover: హైదరాబాద్ నిలోఫర్‌ ఆస్పత్రి వద్ద పది 10 రోజుల వయస్సున్న పసికందును కవరులో తీసుకువచ్చి వదిలేసి వెళ్లిపోయారు. పట్టుమని పదిరోజులు నిండిన ప్రాణంతో ఉన్న బిడ్డను చూసి స్థానికులు నిశ్చేష్టులయ్యారు. ఆటోలో వచ్చి కవర్‌ను ఆస్పత్రి వద్ద పెట్టి వెళ్లినట్లు గుర్తించిన స్థానికులు వైద్యులకు సమాచారం అందించారు. పాపకు చికిత్స అందించిన వైద్యులు చిన్నారికి అంగవైక్యలం ఉందని నిర్ధరించారు. ఇదే కారణంతో చిన్నారిని వదిలేసి వెళ్లిపోయి ఉంటారని భావిస్తున్నారు. శిశువుకు అంగవైకల్యంతో పాటు కామెర్లు ఉన్నాయని గుర్తించిన వైద్యులు చికిత్స అందిస్తున్నారు. చిన్నారికి అంగవైకల్యం, అనారోగ్యం ఉందనే వదిలి వెళ్లారా..? లేదా మరేదైనా కారణం ఉందా అనే కోణంలో పోలీసులు దర్యాప్తు చేస్తున్నారు. ఆస్పత్రి వద్ద పసికందును వదిలేసి వెళ్లిన వారిని గుర్తించే పనిలోపడ్డారు. సమీపంలో సీసీ కెమెరాల దృశ్యాలను పరిశీలిస్తున్నారు.
ఇదీ చూడండి: బాయ్ఫ్రెండ్ కారణంగా గర్భం.. యూట్యూబ్ చూసి అబార్షన్.. కానీ...
