ఆందోళనకరంగా కల్తీ కల్లు భాదితుల పరిస్థితి.. వింతగా ప్రవర్తన

తెలంగాణలోని వికారాబాద్​ జిల్లాలో వారం రోజులుగా కల్తీ కల్లు తాగి వందలాది మంది ఆసుపత్రి పాలయ్యారు. బాధితుల పరిస్థితి ఆందోళనకరంగా ఉంది. కల్లు కావాలంటూ పిచ్చిగా ప్రవర్తిస్తున్నారు. ఇప్పటికే అక్కడి అధికారులు నమూనాలు సేకరించి దుకాణాలు సీజ్‌ చేశారు.

తెలంగాణలోని వికారాబాద్ జిల్లాలో కల్తీ కల్లు బాధితుల పరిస్థితి ఆందోళన కరంగా ఉంది. ఇప్పటికే చాలామంది చికిత్స తీసుకున్నప్పటికీ.. వింతగా ప్రవర్తిస్తున్నారు. కల్లు కావాలంటూ తలలు బాదుకుంటున్నారు. కల్లు తాగి వందల మంది ఆస్పత్రి పాలవ్వగా.. ఇద్దరు మృతి చెందారు.

ఈ ఘటనపై అధికారులు దర్యాప్తు ముమ్మరం చేశారు. గ్రామాల్లోని కల్లు డిపోల్లో నుంచి నమూనాలు సేకరించారు. రెండు దుకాణాలు సీజ్‌ చేశారు. ఇప్పటివరకు సేకరించిన నమూనాల ఫలితాలు రాలేదని వెల్లడించారు.

ఇదీ చదవండి: