రాష్ట్రంలో నాలుగో దశ పంచాయతీ ఎన్నికలకు నామినేషన్ల దాఖలు ప్రక్రియ కొనసాగుతోంది. రెండో రోజైన నేడు.. అభ్యర్థులు నామపత్రాలు దాఖలు చేస్తున్నారు. అన్ని పంచాయతీల వద్ద పోలీసులు పటిష్ట చర్యలు తీసుకుంటున్నారు. రేపు సాయంత్రం 5 గంటలతో... నామినేషన్ల దాఖలకు గడువు ముగియనుంది.
మూడో దశ ఎన్నికలకు అభ్యర్థుల నామపత్రాల పరిశీలన పూర్తైంది. ప్రస్తుతం అప్పీళ్ల పరిష్కార ప్రక్రియ కొనసాగుతోంది. రేపు మధ్యాహ్నం 3 గంటలకు మూడో విడత నామపత్రాల ఉపసంహరణ గడువు ముగియనుంది. అనంతరం ఏకగ్రీవాలు సహా పోటీల్లో ఉన్న అభ్యర్థుల వివరాలను ఎన్నికల కమిషన్ విడుదల చేయనుంది. ఈనెల 13న రెండో విడత పోలింగ్ జరగనుండగా... 17న మూడో విడత, 21 న నాలుగో విడత ఎన్నికలు జరగనున్నాయి.
ఇదీ చదవండి: సర్పంచి పోరులో 80 ఏళ్ల బామ్మ
