హైదరాబాద్ నుంచి ఛత్తీస్గఢ్లోని కబీర్‌ధామ్‌ జిల్లాకు వెళ్లిన ఐదుగురికి కరోనా సోకినట్లు నిర్ధరణ అయింది. వివిధ రాష్ట్రాల నుంచి ఛత్తీస్గఢ్లోని తమ సొంత ప్రాంతాలకు చేరుకున్న వలస కూలీలకు ఆ రాష్ట్ర ప్రభుత్వం పరీక్షలు నిర్వహించింది. వారిలో 14 మందికి కరోనా సోకినట్లు వెల్లడైంది. ఫలితంగా బాధితులతో సన్నిహితంగా ఉన్న 200 మందిని అధికారులు క్వారంటైన్‌కు పంపారు.
14 మంది బాధితుల్లో ఆరుగురు కబీర్‌ధామ్‌ జిల్లాకు చెందినవారని అధికారులు తెలిపారు. ఆ ఆరుగురిలో ఐదుగురు హైదరాబాద్ నుంచి వచ్చారని, వారిలో నాలుగేళ్ల చిన్నారి కూడా ఉన్నట్లు వివరించారు. హైదరాబాద్ నుంచి బయలుదేరిన వీరు 10 రోజులుగా నడుచుకుంటూ, దారిలో కనిపించిన వారిని లిప్ట్‌ అడుగుతూ ఛత్తీస్గఢ్ చేరుకున్నారని గుర్తించినట్టు సమాచారం.
