విద్యార్థిని హత్యపై సీఎం జగన్ ఆరా.. కఠిన చర్యలకు ఆదేశం

నరసరావుపేటలో విద్యార్థిని హత్య ఘటనపై ముఖ్యమంత్రి జగన్‌ స్పందించారు. అధికారులను అడిగి వివరాలు తెలుసుకున్నారు. బాధిత కుటుంబానికి రూ. 10 లక్షలు సాయం చేయటంతో పాటు.. దర్యాప్తు వేగంగా పూర్తి చేయాలని ఆదేశించారు.

గుంటూరు జిల్లా నరసరావుపేటలో విద్యార్థిని అనూష హత్య ఘటనపై ముఖ్యమంత్రి జగన్‌ ఆరా తీశారు. సీఎంవో అధికారులను అడిగి వివరాలు తెలుసుకున్నారు. హత్య ఘటన తీవ్రంగా కలచివేసిందని పేర్కొన్న సీఎం.. అనూష కుటుంబానికి రూ.10 లక్షలు సాయం చేయటంతో పాటు.. విద్యార్థిని కుటుంబానికి భరోసా ఇవ్వాలని అధికారులను ఆదేశించారు. నిందితులపై కఠిన చర్యలు తీసుకోవాలని స్పష్టం చేశారు. దిశ చట్టం కింద దర్యాప్తు వేగంగా పూర్తి చేయాలని సూచించారు.

ఇదీ చదవండి