తెలంగాణ: చైతన్యపురిలో చైన్ స్నాచింగ్​కు యత్నం

హైదరాబాద్​లో మరోసారి చైన్ స్నాచర్లు తెగబడ్డారు. రెండురోజుల క్రితం వనస్థలిపురం ఘటన మరవకముందే.. మరోసారి రెచ్చిపోయారు. బాధితురాలి అప్రమత్తతతో పారిపోయారు.

హైదరాబాద్​ చైతన్యపురి పోలీస్ స్టేషన్ పరిధిలోని గ్రీన్ హిల్స్ కాలనీలో తెల్లవారుజామునే చైన్ స్నాచింగ్ ఘటన కలకలం సృష్టించింది. లక్ష్మి అనే 46 సంవత్సరాల మహిళ కిరాణా షాపు వద్ద నుంచి ఇంటికి వస్తోంది. హెల్మెట్ ధరించి బైక్​పై వచ్చిన గుర్తుతెలియని వ్యక్తి... మహిళ మెడలో ఉన్న పుస్తెల తాడు తెంచేందుకు యత్నించాడు. అప్రమత్తమైన మహిళ కేకలు వేయడంతో అక్కడి నుంచి పారిపోయాడు. సమాచారం అందుకున్న పోలీసులు ఈ ప్రాంతంలోని సీసీ కెమెరాలను పరిశీలిస్తున్నారు.

ఇదీ చూడండి: ఇక పొక్సో కేసుల దర్యాప్తు మరింత ముమ్మరంగా..