సెంచురీ ప్లై బోర్డు ఇండియా సంస్థ సీఎండీ సజ్జన్.... సీఎం జగన్తో భేటీ అయ్యారు. తాడేపల్లిలోని సీఎం క్యాంపు కార్యాలయంలో ఆ సంస్థ ప్రతినిధులతోపాటు ముఖ్యమంత్రిని కలిశారు. కడప జిల్లా బద్వేలులో ఏర్పాటు చేయనున్న ప్లాంట్కు సంబంధించిన అంశాలపై చర్చించారు. వెయ్యి కోట్ల రూపాయలతో మూడు దశల్లో.... ప్లై వుడ్ ఉత్పత్తి యూనిట్లను సెంచూరీ సంస్థ ఏర్పాటు చేయనుంది.
డిసెంబర్ 2022 నాటికి మొదటి దశలో ఉత్పత్తి ప్రారంభించేందుకు సిద్ధమని సంస్థ వెల్లడించింది. ఏడాదికి 4 లక్షల మెట్రిక్ టన్నుల ఉత్పత్తిని మొదటి విడతగా.... నిర్మాణం పూర్తయ్యాక 10 లక్షల మెట్రిక్ టన్నుల పూర్తిస్ధాయి సామర్ధ్యంతో ఉత్పత్తి చేయనున్నట్టు సీఎంకు తెలిపారు. బద్వేలు యూనిట్లో 3వేల మందికి ఉపాధి కల్పించనున్నట్టు సంస్థ ప్రతినిధులు సీఎంకు వివరించారు. తమ యూనిట్ ద్వారా యూకలిప్టస్ రైతులకు కూడా మేలు జరుగుతుందన్నారు.
ఇదీ చదవండి:
