ఇవాళ కేబినెట్ భేటీ.. మంత్రుల సీట్లలో మార్పులు

ముఖ్యమంత్రి జగన్ అధ్యక్షతన ఇవాళ కేబినెట్ సమావేశం జరగనుంది. వరద పరిస్థితులు, తదితర అంశాలపై ఈ భేటీలో చర్చించనున్నారు. మరోవైపు మంత్రులు కూర్చునే స్థానాల్లో మార్పులు చేస్తూ ప్రభుత్వం మంగళవారం ఉత్తర్వులు జారీ చేసింది.

సచివాలయంలోని మొదటి బ్లాక్​లో ఉదయం 11 గంటలకు మంత్రి మండలి భేటీ కానుంది. రాష్ట్రంలో వరద పరిస్థితులు, ప్రత్యేకించి గోదావరి జిల్లాల్లో ముంపు ప్రాంతాల్లో సహాయ చర్యలు, తక్షణ ఆర్థిక సాయం ప్రకటన, అపెక్స్​ కౌన్సిల్ సమావేశంలో చర్చించే అంశాలపైనా కేబినెట్​లో చర్చించనున్నట్టు సమాచారం. ఇటీవల మంత్రివర్గంలోకి ఇద్దరు చేరడం, ధర్మాన కృష్ణదాస్​కి ఉపముఖ్యమంత్రి హోదా కల్పించడంతో మంత్రులు కూర్చునే స్థానాల్లో మార్పులు జరిగాయి.

ఇదీ చదవండి: వరద ముంపు ప్రాంతాల్లో సీఎం జగన్ విహంగ వీక్షణం