రాష్ట్ర పురపాలక శాఖ మంత్రి బొత్స సత్యనారాయణ అమరావతి రైతుల ఉద్యమంపై కీలక వ్యాఖ్యలు చేశారు. 500 కాదు వెయ్యి రోజులు ఉద్యమం చేయండి.. ఎవరు వద్దన్నారని వ్యాఖ్యానించారు. కోర్టులకు వెళ్లడం వల్లే అమరావతిలో ప్లాట్ల అభివృద్ధి ఆలస్యమవుతోందని పేర్కొన్నారు. అన్ని ప్రాంతాల అభివృద్ధికి ప్రభుత్వం కట్టుబడి ఉందన్న బొత్స.. అమరావతిని అన్ని విధాలా అభివృద్ధి చేస్తామని ఉద్ఘాటించారు. అమరావతి రైతులకు ఇచ్చిన హామీలన్నీ నెరవేర్చుతున్నామని చెప్పారు.
వర్క్ ఫ్రం హోం సాధ్యపడదు..
కరోనా వేళ ప్రభుత్వ ఉద్యోగులు కష్టపడి పనిచేస్తున్నారన్న బొత్స సత్యనారాయణ.. అన్ని విషయాలు అంగీకరించాకే ఉద్యోగులు పనిచేస్తున్నారని చెప్పారు. సాఫ్ట్‌వేర్ ఉద్యోగులైతే వర్క్ ఫ్రం హోం సాధ్యం అవుతుందని.. క్షేత్రస్థాయి పనుల వల్ల ఉద్యోగులకు వర్క్ ఫ్రం హోం సాధ్యపడదని తేల్చి చెప్పారు.
ఇదీ చదవండీ... 'అమరావతి రైతులు విజయం సాధించేవరకూ.. మద్దతిస్తాం..'
