కరోనా కారణంగా ఏపీఎస్‌ఆర్టీసీకి ఇప్పటివరకూ రూ.3,500 కోట్ల నష్టం వాటిల్లింది. గత ఏడాది మార్చి 24 నుంచి లాక్‌డౌన్‌తో 2020-21 ఆర్థిక సంవత్సరంలో రూ.2,300 కోట్లు నష్టపోయింది. కరోనా రెండో ఉద్ధృతిలో ఈ ఏడాది ఏప్రిల్‌ నుంచి జులై వరకు రూ.1,200 కోట్లు నష్టం వచ్చినట్లు లెక్క తేల్చారు. ఎక్కువగా విజయవాడ, తిరుపతి, విశాఖ, గుంటూరు తదితర రీజియన్లలో నష్టాలొచ్చాయి.
ప్రసుత్తం సగటున రూ.11 కోట్ల వరకు నిత్యం రాబడి ఉంటోంది. గతేదాడి ఈ సమయానికి ఇందులో సగం కూడా లేదు. ఓఆర్‌ 9% పెరిగి 60శాతానికి చేరింది. శ్రావణ మాసం కావడంతో రాబడి పెరిగిందని, విద్యాసంస్థలు తెరుస్తున్నందున త్వరలో లక్ష్యం మేరకు రోజువారీ రాబడి సగటున రూ.14.5 కోట్లు వచ్చే వీలుందని ఆర్టీసీ అధికారులు చెబుతున్నారు.
ఇదీ చదవండి:
