'జులై 15 తర్వాత షూటింగులు​.. త్వరలోనే విధి విధానాలు'

రాష్ట్రంలో సినీ చిత్రీకరణలకు ప్రభుత్వం పచ్చజెండా ఊపింది. సినీ ప్రముఖుల విజ్ఞప్తి మేరకు సీఎం జగన్​ జులై 15 తర్వాత షూటింగులకు అనుమతిచ్చినట్లు మంత్రి పేర్ని నాని తెలిపారు. చిత్ర పరిశ్రమకు ప్రభుత్వం అన్ని విధాలా అండగా ఉంటుందని స్పష్టం చేశారు.

రాష్ట్రంలో జులై 15 తర్వాత సినిమా షూటింగులకు ప్రభుత్వం అనుమతి ఇచ్చిందని మంత్రి పేర్నినాని తెలిపారు. దీనికి సంబంధించి త్వరలోనే విధి విధానాలు ఖరారు చేస్తామని అన్నారు. సినిమా టికెట్లు ఆన్​లైన్​లోనే ఇవ్వాలని సీఎం జగన్​ ఆదేశించినట్లు చెప్పారు. నంది అవార్డులు పునరుద్ధరించాలన్న సినీ ప్రముఖుల విజ్ఞప్తి మేరకు.. 2019 నుంచి నంది అవార్డులు ప్రదానం చేసేందుకు సీఎం జగన్​ అంగీకరించినట్లు తెలిపారు.

విశాఖలో సినీ స్టూడియోల నిర్మాణానికి సినీ పెద్దలకు స్థలాలు ఇచ్చేందుకు సీఎం జగన్​ అంగీకరించారని మంత్రి పేర్ని నాని తెలిపారు. సినీ పరిశ్రమకు అన్ని విధాలా అండగా ఉంటానని సీఎం హామీ ఇచ్చారన్న ఆయన.. పరిశ్రమ పట్ల ఆదరణకు సినీ ప్రముఖులు ప్రభుత్వానికి కృతజ్ఞతలు తెలిపారని వెల్లడించారు.

ఇదీ చూడండి..