ఆనందయ్య మందు(anandayya medicine) పై క్యాంప్ కార్యాలయంలో సీఎం జగన్(cm jagan) సమీక్షించారు. సీసీఆర్‌ఏఎస్‌ సహా పలు సంస్థలు ఇచ్చిన నివేదికల్లోని అంశాలను ముఖ్యమంత్రికి ఆయుష్ కమిషనర్‌ వి.రాములు(AYUSH COMMISSIONER RAMULU) , ఇతర అధికారులు వివరించారు. ఆనందయ్య మందు(anandayya medicine) వాడితే కొవిడ్‌ తగ్గిందనడానికి ఆధారాలు లేవని స్పష్టం చేశారు. పి, ఎల్, ఎఫ్, కె, అనే నాలుగు మందులతో పాటు, కంట్లో చుక్కల మందును ఆనందయ్య వేస్తున్నారని సీఎంకు తెలిపారు.
ముడిపదార్థాలు లేనందున 'కె' అనే మందు తయారీని అధికారుల కమిటీ ముందు చూపించలేదని అధికారులు సీఎంకు తెలిపారు. పీ, ఎల్, ఎఫ్ లతో పాటు కంటిలో ఇచ్చే డ్రాప్స్‌ మాత్రమే చూపించారని వి.రాములు సీఎంకు వివరించారు.కంటి డ్రాప్స్‌ కు సంబంధించి కొన్ని రిపోర్టులు రావాల్సి ఉందన్నారు. ఆనందయ్య వాడే పదార్థాలు హానికరం కావని నివేదికల్లో తేలినట్లు చెప్పారు. కంటి డ్రాప్స్‌పై పూర్తి నిర్ధారణలు రావాల్సి ఉందన్నారు. ఆనందయ్య మందు కొవిడ్‌పై ఎంతవరకూ పనిచేస్తుందని సీసీఆర్‌ఎఎస్‌ ట్రయల్స్‌ చేసిందని సీఎంకు వివరించారు. ఆనందయ్య మందువల్ల కొవిడ్‌ తగ్గుతుందనడానికి ఎలాంటి నిర్దారణలు లేవని నివేదికలు స్పష్టం చేశాయని నివేదించారు. కాకపోతే మందు తయారీలో వాడే పదార్థాల వల్ల ఎలాంటి హాని లేవని చెప్పాయన్నారు. ఈ మందు వాడడం వల్ల కొవిడ్‌ తగ్గిందని చెప్పడానికి లేదన్నారు. అలాగే ఆయుర్వేదం అని గుర్తించడానికి కూడా వీల్లేదన్నారు. ఆనందయ్య ఆయర్వేదం మందుగా గుర్తించాలని కోరితే, దరఖాస్తు చేస్తే దానిపై చట్ట పరిధిలో పరిశీలనలు చేస్తామని వివరించారు.
ఇదీ చదవండి: Anandayya Medicine: ఆనందయ్య మందు పంపిణీకి హైకోర్టు గ్రీన్ సిగ్నల్
నివేదికల్లో వివరాలు వెల్లడించాక సమావేశంలో ప్రభుత్వం నిర్ణయాన్ని సీఎం జగన్ వెల్లడించారు. కంట్లో వేసే డ్రాప్స్‌ తప్ప, ఆనందయ్య ఇస్తున్న మందులకు గ్రీన్‌సిగ్నల్‌ ఇస్తున్నట్లు తెలిపారు.. కంట్లో వేసే డ్రాప్స్‌ విషయంలో పూర్తి నివేదికలు రావాల్సి ఉందని,నివేదికలు రావడానికి మరో 2- 3 వారాల సమయం పడుతుంది కాబట్టి అనుమతి ఇవ్వలేకపోతున్నట్లు తెలిపారు. 'కె' అనే మందును కూడా కమిటీ ముందు చూపించలేదు కాబట్టి దీనికి అనుమతి నిరాకరిస్తున్నట్లు తెలిపారు. ఆనందయ్య ఇచ్చే పి, ఎల్, ఎఫ్... మందులకు గ్రీన్ సిగ్నల్ ఇచ్చారు. రాష్ట్ర ప్రభుత్వం సీసీఆర్‌ఏఎస్‌ నివేదిక ప్రకారం నిర్ణయం తీసుకున్నట్లు తెలిపారు. కానీ, ఆనందయ్య మందు వాడితే కొవిడ్‌ తగ్గుతుంది అనడానికి నిర్ధారణలు లేవని తేల్చిన దృష్ట్యా ఆనందయ్య మందు వాడినంత మాత్రాన మిగిలిన మందులు ఆపొద్దని రాష్ట్ర ప్రభుత్వం స్పష్టం చేసింది.
ఇదీ చదవండి: ఆనందయ్య మందుతో కొవిడ్‌ తగ్గిందనేందుకు ఆధారం లభించలేదు: ఆయుష్ కమిషనర్‌
డాక్టర్లు ఇచ్చిన మందులు వాడుతూ.. ఎవరి ఇష్టప్రకారం వారు ఆనందయ్య మందును వాడుకోవచ్చని ప్రభుత్వం సూచించింది. ఆనందయ్య మందును తీసుకోవడానికి కొవిడ్‌ పాజిటివ్‌ రోగులు రాకుండా చూడాలని ప్రభుత్వం ఆదేశించింది. వారికి బదులు వారి సంబంధీకులు వచ్చి మందును తీసుకెళ్లాలని సూచించింది. ఇలా చేయడం వల్ల కొవిడ్‌ విస్తరించే ప్రమాదం తప్పుతుందని రాష్ట్ర ప్రభుత్వం తెలిపింది. మందు పంపిణీ సందర్భంలో కచ్చితంగా కొవిడ్‌ ప్రోటోకాల్‌ పాటించాలని ఆదేశించింది. ఈ మేరకు తగు ఏర్పాట్లు చేయాలని ఆదేశించింది.
ఇదీ చదవండి
