Reasons For Credit Card Limit Decrease : ప్రస్తుతం దాదాపు ఉద్యోగాలు చేసే ప్రతి ఒక్కరి దగ్గర క్రెడిట్ కార్డు ఉంటోంది. వీటిని బ్యాంకులు కొంత లిమిట్‌తో తమ కస్టమర్లకు అందిస్తాయి. అయితే వీటిని జారీ చేసే ముందు కొన్ని విషయాలను పరిగణనలోకి తీసుకుంటాయి బ్యాంకులు. అందులో వ్యక్తి ఆదాయం, సకాలంలో చెల్లింపులు చేయడం లాంటివి ప్రధానంగా ఉంటాయి. వీటి ఆధారంగానే ఇచ్చే క్రెడిట్ కార్డు లిమిట్( Credit Card Limit )లలో మార్పులు చేస్తుంటాయి. ఈ మార్పుల్లో కొన్నిసార్లు మన క్రెడిట్ కార్డు లిమిట్ తగ్గవచ్చు.. లేదా పెరగవచ్చు కూడా. ఇదిలా ఉంటే.. బ్యాంకులు కొన్ని సార్లు ఉన్నట్టుండి మీ క్రెడిట్ కార్డు పరిమితిని ఒక్కసారిగా తగ్గించేస్తాయి. ఇలా ఎందుకు చేస్తాయంటే..
ఎక్కువగా వాడితే..
Credit Card Limit Low : తమ కస్టమర్ల క్రెడిట్ కార్డు వినియోగంపై బ్యాంకులు నిరంతరం నిఘా ఉంచుతాయి. ఫిక్స్ చేసిన క్రెడిట్ పరిమితిలో ఎంత మొత్తాన్ని ఖర్చు చేస్తున్నారు? అనేదాన్ని ఎప్పటికప్పుడు గమనిస్తుంటాయి. ఉదాహరణకు ఒక కస్టమర్‌కు రూ.2 లక్షల వరకు క్రెడిట్ కార్డు పరిమితి( Credit Limit ) ఉందనుకోండి.. అందులో రూ.60,000-రూ.80,000 వరకు ఖర్చు చేస్తే పెద్దగా పట్టించుకోవు. అదే జారీ చేసిన లిమిట్లో రూ.1,50,000కి పైగా నిత్యం వినియోగిస్తే.. మిమ్మల్ని రిస్కీ కస్టమర్గా భావించి వెంటనే క్రెడిట్ లిమిట్ను తగ్గించేస్తాయి.
కార్డు వాడకపోయినా..
Credit Card Limit Check : క్రెడిట్ కార్డును దీర్ఘకాలంపాటు వాడకుండా ఉండేవాళ్లు కూడా క్రెడిట్ పరిమితి సమస్యను ఎదుర్కొంటారు. ఇన్-యాక్టివేటెడ్‌ క్రెడిట్‌కార్డుల నుంచి సదరు బ్యాంకులకు ఎటువంటి ప్రయోజనాలు ఉండవు కనుక.. యాక్టివ్‌గా లేని కార్డుదారుల లిమిట్పై కూడా బ్యాంకులు కోత విధిస్తాయి.
ఆలస్యంగా చెల్లించినా..
Credit Card Bill Payment : కొందరు క్రెడిట్ కార్డులను వినియోగించినా.. సకాలంలో చెల్లింపులు జరపరు. దీనితో వారిపై బ్యాంకులు ఆలస్య చెల్లింపుల కింద ఛార్జీలు విధిస్తాయి. ఇది మీ క్రెడిట్ స్కోర్పై కూడా ప్రభావం చూపుతుంది. ప్రధానంగా మూడు నెలలకంటే ఎక్కువ కాలం పాటు పేమెంట్ విషయంలో జాప్యం చేస్తే.. బ్యాంకులు క్రెడిట్ కార్డు లిమిట్ను తగ్గిస్తాయి.
ఇతర కారణాలు..
Credit Card Fluctuations : తక్కువ సమయంలో ఎక్కువ క్రెడిట్ కార్డులు తీసుకున్నా.. బ్యాంకులు క్రెడిట్ కార్డు పరిమితుల్ని తగ్గించే అవకాశాలు ఉంటాయి. అంతేకాకుండా ఆర్థిక అస్థిరత, భౌగోళిక, రాజకీయ అనిశ్చిత పరిస్థితులు లాంటివి తలెత్తినప్పుడు కూడా ముందస్తు నష్ట నివారణ చర్యల్లో భాగంగా బ్యాంకులు వ్యక్తుల క్రెడిట్ లిమిట్ ( Why My Credit Card Limit Is Low )ను కుదిస్తాయి. ఉదాహరణకు కరోనా విజృంభణ సమయంలో బ్యాంకులు చాలామంది కార్డు హోల్డర్ల క్రెడిట్ లిమిట్లో కోతలు విధించాయి.
ఓ కన్నేసి ఉంచండి..
My Credit Card Limit : మీ క్రెడిట్ కార్డు లిమిట్ తగ్గినట్లు గనుక మీరు గుర్తిస్తే ముందుగా సంబంధిత బ్యాంకు కస్టమర్ సర్వీస్‌ను సంప్రదించాలి. కార్డు లిమిట్ తగ్గించటానికి గల కారణాన్ని అడిగి తెలుసుకోవాలి. ఒకవేళ క్రెడిట్ స్టేట్మెంట్లో ఏమైనా పొరపాట్లు గమనిస్తే వెంటనే సవరించుకోవాలి. అలాగే మీ క్రెడిట్ కార్డు వినియోగంపై ఎప్పుడూ ఓ కన్నేసి ఉంచాలి. మొత్తంగా వినియోగదారుల ఖర్చులు, చెల్లింపుల ఆధారంగానే క్రెడిట్ కార్డు లిమిట్లో పెంపు, తగ్గింపులు అనేవి జరుగుతాయనేది గుర్తించుకోవాలి.
