కరోనా వల్ల చాలా మంది ఆదాయాలు తగ్గాయి.. ఇదే సమయంలో ఆర్థిక అవసరాలు పెరిగాయి. దీనితో వారంతా రుణాలవైపు మొగ్గు చూపుతున్నారు. ఈ రుణాల్లో ముఖ్యంగా చెప్పుకోవాల్సింది.. బంగారం తనఖా పెట్టి తీసుకునేవి. పర్సనల్ లోన్. మిగతా రుణాలతో పోల్చితే వీటిని పొందటం కాస్త సులువు. అందుకే వీటికి డిమాండ్ ఎక్కువ.
మరి బంగారం తనఖా పెట్టి తీసుకునే రుణాలు, పర్సనల్ లోన్స్.. వేటి ద్వారా అప్పు తీసుకునే వారికి ప్రయోజనం? వేటిలో వడ్డీ రేట్లు తక్కువగా ఉంటాయి? అనే విషయాలతో పాటు ఈ రెండు రకాల రుణ సదుపాయాల గురించి పూర్తి వివరాలు ఇప్పుడు చూద్దాం.
బంగారంపై రుణాలు
- మంజూరు, చెల్లింపు చాలా సులభంగా అవుతుంది.
- ఇది సెక్యూర్డ్ రుణం కాబట్టి క్రెడిట్ హిస్టరీ అవసరం లేదు.
- రిపేమెంట్కు సంబంధించి ఎక్కువ ఆప్షన్లు ఉంటాయి.
- తనాఖా పెడుతున్న బంగారంలో 90 శాతం వరకు రుణంగా పొందవచ్చు.
- రుణ ఈఎంఐ చెల్లించనట్లయితే బ్యాంకులు/రుణ సంస్థలకు తనఖా పెపట్టిన బంగారాన్ని విక్రయించుకునే అధికారాలు ఉంటాయి.
- వడ్డీ రేట్లు 9.50 శాతం నుంచి 29 శాతం వరకు ఉంటాయి.
- సాధారణంగా ప్రాసెసింగ్ సమయం 24-48 గంటలుగా ఉంటుంది.
- ఈ రుణాలకు తిరిగి చెల్లించే వ్యవధి తక్కువగా ఉంటుంది.
పర్సనల్ లోన్
- తనాఖా ఉండదు కాబట్టి సెక్యూర్డ్ రుణం కాదు.
- పర్సనల్ లోన్ రావాలంటే క్రెడిట్ స్కోరు, హిస్టరీ అనేది కీలకం.
- వడ్డీ రేటు బంగారంపై రుణంతో పోల్చితే కొంత ఎక్కువగా ఉండొచ్చు.
- క్రెడిట్ స్కోరు, హిస్టరీ, వేతనం ఇతర అంశాల ఆధారంగా వడ్డీ రేటు నిర్ణయం అవుతుంది.
- మూడు నుంచి ఏడు రోజుల్లో రుణం ప్రాసెసింగ్ అవుతుంది.
- రుణం తిరిగి చెల్లించే వ్యవధి ఎక్కువగా ఉంటుంది.
- 10.25 శాతం నుంచి 36 శాతం వరకు వడ్డీ రేటు ఉంటుంది.
బంగారం తనఖా రుణాలపై వివిధ బ్యాంకులు, రుణ సంస్థల్లో వడ్డీ రేట్లు
| బ్యాంక్/రుణ సంస్థ | వడ్డీ రేటు |
| ఐసీఐసీఐ బ్యాంక్ | 10%-19.76% |
| యాక్సిస్ బ్యాంక్ | 12.50%- 17.50% |
| హెచ్డీఎఫ్సీ బ్యాంక్ | 9.50%-17.15% |
| కెనరా బ్యాంక్ | కనీసం 7.65% |
| ముత్తుట్ ఫినాన్స్ | 12%-27% |
| ఎస్బీఐ | కనీసం 7.50% |
| కోటక్ మహీంద్రా బ్యాంక్ | 10%-17% |
| ఇండస్ ఇండ్ బ్యాంక్ | 10.50%-16% |
| మణప్పురం గోల్డ్ లోన్ | 29% వరకు |
| బ్యాంక్ ఆఫ్ బరోడా | 9.1%-9.25% |
| పీఎన్బీ గోల్డ్ లోన్ | 8.75%-9% |
ఇవీ చదవండి:
