వివేకా హత్యకేసు.. నిందితుల రిమాండ్ పొడిగింపు

వివేకానందరెడ్డి హత్యకేసులో నిందితులకు పులివెందుల కోర్టు మరోసారి రిమాండ్ పొడిగించింది. నిందితుల విజ్ఞప్తిని అంగీకరిస్తూ పులివెందుల సబ్‌జైలుకు తరలిస్తూ ఉత్తర్వులు జారీ చేసింది.

మాజీ ఎంపీ వివేకానందరెడ్డి హత్య కేసు నిందితులకు జూన్‌ 3 వరకూ మరోసారి రిమాండ్‌ పొడిగిస్తూ పులివెందుల కోర్టు ఉత్తర్వులు జారీ చేసింది. వైఎస్‌ వివేకా హత్య కేసులో సాక్ష్యాలు తారుమారు చేశారనే ఆరోపణలపై ఎర్ర గంగిరెడ్డి, కృష్ణారెడ్డి, ప్రకాశ్‌ అరెస్ట్​ అయ్యారు. తమను కడప నుంచి పులివెందుల సబ్‌జైలుకు తరలించాలని వీరు ముగ్గురూ పులివెందుల కోర్టులో పిటిషన్‌ వేశారు. నిందితుల విజ్ఞప్తిని అంగీకరించిన న్యాయస్థానం.... పులివెందుల సబ్‌జైలుకు తరలిస్తూ ఉత్తర్వులు జారీ చేసింది.