'ఇచ్ఛాపురాన్ని తెదేపా కంచుకోటగా నిలబెడతాం'

ఇచ్ఛాపురం తెదేపా కంచుకోటని ఎంపీ రామ్మోహన్ నాయుడు అన్నారు. నియోజకవర్గంలో ఎన్నికల పర్యటన చేపట్టిన ఆయన గ్రామాల్లో పర్యటిస్తూ ... చంద్రన్న సంక్షేమ పథకాలను ప్రజలకు వివరిస్తున్నారు. సంక్షేమ పథకాలు సక్రమంగా కొనసాగాలంటే మళ్లీ చంద్రబాబు సీఎం కావాలన్నారు.

శ్రీకాకుళం జిల్లా ఇచ్ఛాపురం నియోజకవర్గంలో ఎంపీ రామ్మోహన్ నాయుడు పర్యటించారు. ఎన్నికల ప్రచారంలో భాగంగా పర్యటించిన ఆయన... మండలంలో ఇదిపురం, లొద్దపుట్టి గ్రామాల్లో ప్రచారం చేశారు. రోడ్ షో మాట్లాడిన ఎంపీ.. ప్రజాసంక్షేమమే ముఖ్యంగా భావించే చంద్రబాబును మళ్లీ సీఎం చేసుకుందామని శ్రేణులకు పిలుపిచ్చారు. మరో వారం రోజులు పసుపు సైనికులు కష్టపడితే గెలుపు తెదేపాదేనని ధీమావ్యక్తం చేశారు.

ఇచ్ఛాపురం తెదేపా కంచుకోటగా ఉందని ఎంపీ అన్నారు. చంద్రబాబుకు మహిళల ఆశీస్సులు పుష్కలంగా ఉన్నాయన్నారు. ఈదుపురంలో ఇంటింటికీ మంచి నీటి కుళాయిల ఏర్పాటు, ఆస్పత్రి నిర్మాణం త్వరలోనే చేపడతామని హామీ ఇచ్చారు. పసుపు-కుంకుమ మూడో విడత, చంద్ర బీమా పెంపు, ఉచిత గ్యాస్ సిలిండర్లు అందాలంటే చంద్రబాబు మళ్లీ సీఎం కావాలని ఆకాంక్షించారు.

ఇవీ చూడండి :రాజధానిగా విశాఖను ఎంపిక చేయాల్సింది: పవన్