జగన్​ మూడో హిట్లర్​: గల్లా

మోదీ అండతో జగన్, కేసీఆర్​ రెచ్చిపోతున్నారని గుంటూరు ఎంపీ అభ్యర్థి గల్లా జయదేవ్​ ఆగ్రహం వ్యక్తం చేశారు. గుంటూరు జిల్లా మంగళగిరికి లోకేశ్​ అభ్యర్థిగా రావడం సంతోషంగా ఉందని ఆత్మీయ సదస్సులో అన్నారు. జగన్​ను మూడో హిట్లర్​గా అభివర్ణించారు.

'ఆధునిక హంగులతో రాజధాని అమరావతి నిర్మాణం జరుగుతోంది. మంగళగిరికి లోకేశ్​ అభ్యర్థిగా రావడం సంతోషంగా ఉంది. భవిష్యత్తులో ఈ ప్రాంతం రూపురేఖలు మారిపోతాయి. ఏపీకి రావాల్సిన విద్యుత్​ బకాయిలు కేసీఆర్​ ఇవ్వడం లేదు. ఆయన ఇప్పుడు జగన్​కు తోడయ్యారు. మోదీ తీసుకున్న పెద్దనోట్ల రద్దు నిర్ణయం భాజపా ప్రయోజనాల కోసమే. ఆ సమయంలో ప్రజలు ఎన్నో ఇబ్బందులు పడ్డారు. ప్రధాని ఇచ్చే 6వేల రూపాయలతో అన్నదాతల ఆత్మహత్యలు ఆగవు. రాబోయే ఎన్నికల్లో జగన్​ను ఓడించి..శాశ్వతంగా హైదరాబాద్​ పంపాలి.'
- గల్లా జయదేవ్​, గుంటూరు ఎంపీ.