తుపాను ప్రభావిత 4 జిల్లాలు.. కోడ్ నుంచి మినహాయింపు

ఫొని తుపాను ప్రభావిత 4 జిల్లాల్లో ఎన్నికల కోడ్‌ని ఎత్తేసినట్లు రాష్ట్ర ఎన్నికల ప్రధానాధికారి గోపాలకృష్ణ ద్వివేది తెలిపారు. ఈ మేరకు ఉత్తరాంధ్ర మూడు జిల్లాలతో పాటు తూర్పుగోదావరి జిల్లాకు కోడ్‌ నుంచి మినహాయింపునిస్తూ సీఈసీ ఆదేశాలు జారీ చేసింది.

ఎన్నికల కోడ్ నుంచి మినహాయింపు ఇచ్చిన జిల్లాల్లో సహాయచర్యలు చేపట్టవచ్చని ఎన్నికల ప్రధానాధికారి ద్వివేది తెలిపారు. ఈనెల ఆరో తేదీన మూడు జిల్లాల్లోని 5 కేంద్రాల్లో జరగనున్న రీపోలింగ్‌ ఏర్పాట్లపై.. ఆయా జిల్లాల అధికార్లతో సమీక్ష నిర్వహించారు. అన్ని ఏర్పాట్లు చేయాలని ఆదేశించారు. అటు కోడ్‌ ఉల్లంఘిస్తూ కడప జిల్లాలో 'లక్ష్మీస్‌ ఎన్టీఆర్​' సినిమా ప్రదర్శించడంపై ఆగ్రహం వ్యక్తం చేసిన ద్వివేది.. జాయింట్‌ కలెక్టర్‌పై చర్యలు తీసుకోవాలని సీఈసీకి సిఫారసు చేసినట్లు వెల్లడించారు.