చిన్నారి నిండు ప్రాణం తీసిన టిప్పర్​

తెలంగాణలోని హైదరాబాద్​ హస్మత్​పల్లిలో విషాదం చోటు చేసుకొంది. టిప్పర్​ బ్రేకులు విఫలమై.. ఇంటి బయట ఆడుకుంటున్న చిన్నారి నిండు ప్రాణాన్ని చక్రాలతో తొక్కేసింది.

హైదరాబాద్​ బోయిన్​పల్లి హస్మత్​పేట్​లో దారుణం జరిగింది. ఇంటి బయట ఆడుకుంటున్న ఆరేళ్ల చిన్నారిని టిప్పర్​ రూపంలో మృత్యువు బలి తీసుకుంది.

హస్మత్​పేట్​లో కంకరతో వెళ్తున్న టిప్పర్​ బ్రేక్​లు విఫలమై.. ఒక్కసారిగా వెనక్కి వచ్చింది. అక్కడే ఆడుకుంటున్న చిన్నారిపైనుంచి దూసుకొచ్చింది. టిప్పర్​ వెనుకనే ఉన్న టాటా ఏసీ వాహనాన్ని, విద్యుత్​ స్తంభాన్ని ఢీ కొని ఆగిపోయింది. ఈ ఘటనలో చిన్నారి అక్కడికక్కడే మృతి చెందగా.. డ్రైవర్​ పరారయ్యాడు. ప్రమాదానికి డ్రైవర్​ నిర్లక్ష్యమే కారణమని స్థానికులు ఆరోపించారు. సమాచారం అందుకున్న పోలీసులు మృతదేహాన్ని గాంధీ ఆస్పత్రికి తరలించారు.