Omicron Variant in India: ఇటీవల దక్షిణాఫ్రికాలో బయటపడిన ఒమిక్రాన్ వేరియంట్ ప్రపంచ దేశాలను కలవర పరుస్తోంది. ఈ సమయంలో మహారాష్ట్ర ఠాణే జిల్లా డోంబివలీలో నమోదైన ఓ కరోనా కేసు స్థానికంగా కలకలం రేపుతోంది. వైరస్ సోకిన వ్యక్తి ఈనెల 24న దక్షిణాఫ్రికా నుంచి తిరిగి రావడమే అందుకు కారణం. రోగికి ఒమిక్రాన్ వేరియంట్ సోకిందేమో అన్న అనుమానాలు వ్యక్తం అవుతున్నాయి.
అయితే అతనికి సోకింది ఒమిక్రామ్ వేరియంటా? కాదా? అనే విషయంపై ఇంకా స్పష్టత లేదని అధికారులు వెల్లడించారు. దక్షిణాఫ్రికా నుంచి వచ్చిన తర్వాత బాధితుడు ఇప్పటివరకు ఎవరినీ కలవలేదని తెలిపారు. ప్రస్తుతం అతను ఆర్ట్ గ్యాలరీ ఐసొలేషన్ సెంటర్లో చికిత్స పొందుతున్నాడని.. ఒకవేళ ఒమిక్రాన్ సోకినట్లు నిర్ధరణ అయినా ఎదుర్కొనేందుకు సిద్ధంగా ఉన్నామన్నారు.
ఇదీ చూడండి : వెలుగుచూసిన మూడో ఒమిక్రాన్ కేసు.. ఫేస్ మాస్క్ తప్పనిసరి చేసిన ప్రభుత్వం
