India AIDS statistics: లైంగిక సంపర్కం సమయంలో సరైన జాగ్రత్తలు తీసుకోని కారణంగా భారత్లో 2011-21 మధ్య 17 లక్షల 8 వేల 777 మందికి హెచ్ఐవీ సోకింది. మధ్యప్రదేశ్కు చెందిన సామాజిక కార్యకర్త చంద్రశేఖర్ గౌర్ సమాచార హక్కు చట్టం కింద చేసిన అభ్యర్థన మేరకు ఈ వివరాలు వెల్లడించింది జాతీయ ఎయిడ్స్ నియంత్రణ సంస్థ(నాకో).
అయితే.. ఎయిడ్స్ బారినపడుతున్న వారి సంఖ్య దశాబ్దకాలంగా క్రమంగా తగ్గుతూ వస్తోందని వెల్లడించింది నాకో. అరక్షిత సంభోగం కారణంగా 2011-12లో 2.4లక్షల మందికి హెచ్ఐవీ సోకగా.. 2020-21లో ఆ సంఖ్య 85,268గా ఉన్నట్లు తెలిపింది. జాతీయ ఎయిడ్స్ నియంత్రణ సంస్థ ఇచ్చిన నివేదికలోని మరిన్ని కీలకాంశాలు ఇలా ఉన్నాయి..
- Which state is first in aids in India: అరక్షిత లైంగిక సంపర్కం కారణంగా దేశంలోనే అత్యధిక హెచ్ఐవీ కేసులు ఆంధ్రప్రదేశ్లో నమోదయ్యాయి. గత పదేళ్లలో కండోమ్ వాడకపోవడం వల్ల ఏపీలో 3,18,814 మందికి హెచ్ఐవీ సోకింది.
- మహారాష్ట్ర(2,84,577 కేసులు), కర్ణాటక(2,12,982 కేసులు), తమిళనాడు(1,16,536 కేసులు), ఉత్తర్ప్రదేశ్(1,10,911 కేసులు), గుజరాత్(87,440 కేసులు) తర్వాతి స్థానాల్లో ఉన్నాయి.
- రక్త మార్పిడి, ఇతర సంబంధిత కారణాలతో గత పదేళ్లలో 15,782 మంది హెచ్ఐవీ బారిన పడ్డారు.
- 2011-21 మధ్య 4,423 మంది చిన్నారులకు తల్లుల నుంచి హెచ్ఐవీ సోకింది.
- అన్ని రాష్ట్రాలు, కేంద్ర పాలిత ప్రాంతాల్లో హెచ్ఐవీ కేసులు స్థిరంగా తగ్గుతున్నాయి.
- 2020 నాటికి దేశంలో 23 లక్షల 18 వేల 737 మంది హెచ్ఐవీతో జీవిస్తున్నారు. వీరిలో 81 వేల 430 మంది చిన్నారులు.
- హెచ్ఐవీ టెస్టుకు ముందు/తర్వాత చేసే కౌన్సిలింగ్లో రోగులు చెప్పిన వివరాల ఆధారంగా ఈ లెక్కలు వేసింది జాతీయ ఎయిడ్స్ నియంత్రణ సంస్థ.
పరిస్థితి మెరుగు: ఎయిడ్స్ విషయంలో భారత్లో పరిస్థితులు క్రమంగా మెరుగుపడుతున్నాయని నిపుణులు చెబుతున్నారు. "టెస్టులు, నిర్ధరణ మొదలు చికిత్స వరకు హెచ్ఐవీ రోగుల పర్యవేక్షణ విషయంలో భారత ప్రభుత్వ సంస్థ అయిన నాకో చాలా సమర్థంగా పనిచేస్తోంది. చికిత్స సులువుగా లభించడం వల్ల దేశంలో ఎయిడ్స్ రోగుల పరిస్థితి మెరుగైంది. 2000 తర్వాత నుంచి దేశంలో హెచ్ఐవీ సోకిన రోగుల సంఖ్య తగ్గుతోంది" అని తెలిపారు గురుగ్రామ్లోని ఫోర్టిస్ మెమోరియల్లో ఇంటర్నల్ మెడిసిన్ విభాగం సంచాలకుడు సతీశ్ కౌల్.
"రెండేళ్లుగా హెచ్ఐవీ కేసుల సంఖ్య చాలా తక్కువగా ఉంది. కరోనా మహమ్మారి, లాక్డౌన్ ఆంక్షలే ఇందుకు కారణం. ఇప్పుడు కొవిడ్ తగ్గిపోతోంది కాబట్టి ఎయిడ్స్ రోగుల సంఖ్య పెరిగే అవకాశముంది. ఎవరికైనా హెచ్ఐవీ సోకినట్లు తేలితే.. సాధ్యమైనంత త్వరగా యాంటీ రెట్రోవైరల్ థెరపీ చేయాలి." అని చెప్పారు దిల్లీ ద్వారకాలోని ఆకాశ్ హెల్త్కేర్ ఆస్పత్రిలో ఇంటర్నల్ మెడిసిన్ విభాగం సీనియర్ కన్సల్టెంట్ ప్రభాత్ రంజన్ సిన్హా.
