Gangrape Latest News: మహారాష్ట్రలోని లాతుర్ జిల్లాలో అమానవీయ ఘటన జరిగింది. ఇద్దరు బాలికలపై 10 మంది సామూహిక అత్యాచారానికి పాల్పడారు. వీరిలో కొందరు బాలికల బంధువులు కూడా ఉన్నారు. ఈ దుర్ఘటన ఈనెల 5న వెలుగులోకి వచ్చింది.
పోలీసుల వివరాల ప్రకారం..
లాతుర్ జిల్లాలోని మేనమానల ఇంట్లో కొంత కాలంగా అక్కాచెల్లెళ్లు ఆశ్రయం పొందుతున్నారు. వీరిలో ఒకరికి వివాహం కూడా అయింది. కానీ బాధితురాళ్లు వారి వేధింపులు భరించలేక ఈ ఏడాది జులైలో ఇంటి నుంచి పరారై పుణెకు చేరుకున్నారు. నిరాశ్రయులైన బాలికలను స్థానికులు ఓ చిల్డ్రన్స్ హోమ్లో చేర్చించారు. అయితే.. వీరిద్దరూ ఈనెల 5న స్థానిక పోలీసులకు ఇచ్చిన ఫిర్యాదుతో అసలు విషయం బయటపడింది.
మేనమామల ఇంట్లో ఉన్నంతకాలం తాము అత్యాచారానికి గురయ్యారని బాలికలు తమ ఫిర్యాదులో పేర్కొన్నారు. కేసు నమోదు చేసిన పోలీసులు.. 10 మంది నిందితులను అరెస్ట్ చేశారు. వీరిలో బాలికల మేనమాలు, వివాహితైన బాలిక భర్త ఉండడం గమనార్హం.
ఛత్తీస్గఢ్లోనూ..
ఛత్తీస్గఢ్లోని రాయ్పుర్ జిల్లాలో ఓ 16 ఏళ్ల బాలిక సామూహిక అత్యాచారానికి గురైంది. బాధితురాలి ఫిర్యాదు ప్రకారం డిసెంబరు 9న జరిగిన ఈ దుర్ఘటనపై కేసు నమోదు చేసిన పోలీసులు.. నిందితులను అరెస్ట్ చేశారు. నిందితులను జావేద్ అక్తర్ (24), రెహ్మాన్ అలీ (21)గా గుర్తించారు. సదరు బాలికను ఓ నిర్మానుష్య ప్రదేశానికి తీసుకెళ్లి ఆమెపై నిందితులు అత్యాచారానికి పాల్పడినట్లు తెలిపారు.
ఇదీ చూడండి : ట్రిప్ పేరుతో బాలికపై స్కూల్ టీచర్ అత్యాచారం
