పాక్లో భారత 'హైకమిషన్' అధికారులు అదృశ్యం
పాకిస్థాన్లోని భారత హైకమిషన్లో పనిచేస్తున్న ఇద్దరు భారతీయ అధికారులు అదృశ్యమయ్యారు. ఈ మేరకు అధికారిక వర్గాలు వెల్లడించాయి.
హైకమిషన్ కార్యాలయం నుంచి.. వాహనంలో బయల్దేరిన వారు గమ్యస్థానాన్ని చేరుకోలేదని అధికారులు తెలిపారు. దీనిపై పాక్ అధికార వర్గాలకు ఫిర్యాదు చేశారు.
పాకిస్థాన్లో భారత సీనియర్ దౌత్య వేత్త గౌరవ్ అహ్లువాలియా కారును ఆ దేశ నిఘా సంస్థ ఐఎస్ఐ సభ్యులు వెంబడించిన కొద్దిరోజుల అనంతరం.. ఇది జరగడం ప్రాధాన్యం సంతరించుకుంది. భారత అధికారుల కనిపించకపోవడంపై పలు అనుమానాలు రేకెత్తుతున్నాయి. తీవ్ర ఉత్కంఠ నెలకొంది.
వరుసగా ఇలాంటి ఘటనలు తలెత్తుతుండటంతో.. పాకిస్థాన్లోని భారత హైకమిషన్ మార్చిలోనే ఆ దేశ విదేశీ మంత్రిత్వ శాఖ వద్ద తీవ్ర నిరసన తెలిపింది. మార్చిలోనే పాక్ నిఘా సంస్థల నుంచి.. భారత అధికారులకు 13 సార్లు వేధింపులు ఎదురయ్యాయని.. ఇలాంటి ఘటనలు ఆపాలని, దర్యాప్తు చేయాలని కోరింది.
