కరోనా సోకుతుందన్న భయాలతో జపాన్ తీరంలో నిలిపేసిన నౌకలోని ఇద్దరు భారతీయులకు ప్రాణాంతక మహమ్మారి సోకినట్లు సమాచారం. ఈ మేరకు జపాన్లోని భారత రాయబార కార్యాలయం ప్రకటన విడుదల చేసింది. మొత్తంగా నౌకలోని 174మందికి కరోనా సోకిందని సమాచారం. గత నెలలో హాంకాంగ్‌ నుంచి వచ్చిన ప్రయాణికుడిలో కరోనా వైరస్ గుర్తించింది జపాన్. ఈ నేపథ్యంలో 3,711 మందితో తీరానికి చేరుకున్న డైమండ్ ప్రిన్సెస్ నౌకలోని వారిని తమ దేశంలోకి రావొద్దంటూ నిలిపేసింది. అయితే ఇదే నౌకలో ప్రయాణికులు, సిబ్బందితో సహా.. మొత్తం 138 భారతీయులున్నారు.
మొత్తం 174 మంది పరీక్షలకు...
కరోనా వైరస్ విజృంభిస్తున్న నేపథ్యంలో.. నౌకకు ఈ నెల 19 వరకు అనుమతి నిరాకరించినట్లు తెలిపింది జపాన్. నౌకలో ఉన్న ప్రయాణికుల్లో ఇద్దరు భారతీయులతో సహా మొత్తం 174 మందికి కరోనా పరీక్షలు నిర్వహించినట్లు పేర్కొంది. అయితే.. ప్రోటోకాల్ ప్రకారం వైరస్ సోకిన వారందరినీ చికిత్స నిమిత్తం ఆసుపత్రికి తరలించారు.
మరో ఇద్దరు భారతీయులకు కరోనా వైరస్!
